Video/ Kapen 3.5 ton kanabis në pyjet e Spanjës, arrestohen 6 shqiptarë

Policia spanjolle zbuloi plantacione me marijuanë që do të prodhonin 3.5 ton kanabis, pasi gjurmuan një bandë hajdutësh shqiptarë thellë në pyjet e largëta në Aragon. Me këtë rast policia arrestoi 6 shqiptarë ndërsa asgjësoi 16 mijë bimë marijuanë të fshehura brenda pyjeve të pishave në Aragon të largët.

Anëtarët e bandës ishin nën mbikëqyrje pas një vjedhje kryer në një nga baret dhe stacionet e benzinës midis Zaragoza dhe Huesca.

Ata e çuan policinë në dy plantacione masive, njëra afër Agüero në provincën Huesca dhe tjetra afër Murillo de Gállego afër Zaragoza, të cilat mund të arrihet vetëm me mjete të mëdha, ndërsa ndodheshin rreth 30 minuta thellë në pyll me makinë dhe rreth 30 minuta të tjerë në këmbë në shtigje të ngushta.

“Banda kishte copëtuar zona të mëdha me pisha për të maksimizuar sasinë e hapësirës për rritjen e marijuanës,” tha sot policia përmes një deklarate duke saktësuar se vendet mbroheshin ditë e natë, ndërsa ishte krijuar një sistem i sofistikuar vaditjeje.

Gjatë një periudhe shtatë muajsh, rreth 70 oficerë hetuan atë që ata e quajtën Operacioni “Copitos” duke rezultuar në “çmontimin e plotë të bandës me gjashtë persona dhe konfiskimin e 16,000 bimëve që peshonin një total prej 3.5 ton,” theksohet përmes deklaratë s e cila e konsideron si kapjen më të madhe deri më tani e marijuanës në Aragón.