Video/ Këshilla, Policia Rrugore: Butësia, çelësi i artë në rrugë me dëborë dhe akull

Sot kur reshjet e borës kanë mbërthyer vendin dhe problematika shfaqen edhe me akullin, Policia Rrugore këshillon drejtuesit e mjeteve të jenë të kujdesshëm dhe si të sillen si drejtues mjetesh në rrugët me borë dhe akull:
“Evitoni manovrat e ashpra – “butësia” është çelësi i artë kur jeni me mjet dhe qarkulloni në akse rrugore me dëborë,” thekson ndër të tjera Policia Rrugore, dhe”
“Në rastet e rrugës së mbuluar me dëborë në shtresë të lartë më mirë mos ndiqni gjurmët që mjetet e tjera kanë lënë mbi sipërfaqen e saj.”
Kujdes me akullin:
“Është më i rrezikshëm se dëbora, sepse shpesh është i padukshëm në momentin e parë për drejtuesit e mjetit.”

Ja postimi i plotë:

Jini të kujdesshëm!
Bora dhe ngricat tashmë prezente në rrugët verilindore të vendit.
E keni bërë gati mjetin tuaj?
Besoj se jo, sepse renia dëborës shpeshherë të zë papritur.
-Ndërroni gomat nga verore në dimërore.
Përpara udhëtimit me mjet hiqni dëborën komplet nga makina juaj.
-Evitoni manovrat e ashpra – “butësia” është çelsi i artë kur jeni me mjet dhe qarkulloni në akse rrugore me dëborë.
-Në ngjitje mos hiqni dorë kurrë, vendosni marrshin e parë ose të dytë dhe vazhdoni me kujdes pa u tërhequr dhe pa ekzagjeruar me gazin, por edhe pa “humbur” shpejtësi.
-Në disheza, përdorni frenimin/motor.
-Qëndroni larg mjeteve të tjera si distancë udhëtimi.
Në rastet e rrugës së mbuluar me dëborë në shtresë të lartë më mirë mos ndiqni gjurmët që mjetet e tjera kanë lënë mbi sipërfaqen e saj.
Kujdes me akullin.
Është më i rrezikshëm se dëbora, sepse shpesh është i padukshëm në momentin e parë për drejtuesit e mjetit.
Telefononi 112 për çdo problematikë, jemi në shërbimin tuaj!