Video/ Kim Jong-un qau për ushtarët e vrarë në Rusi! Analistët: Do të ul pakënaqësitë!

Kim Jong-un qau gjatë një ceremonie në nderim të ushtarëve të Koresë së Veriut që vdiqën duke luftuar përkrah ushtrisë ruse.

Udhëheqësi i Koresë së Veriut i kishte sytë e mbushur me lotë ndërsa shikonte pamje nga fusha e betejës në një shfaqje opere që shënonte përvjetorin e një pakti mbrojtës midis Phenianit dhe Moskës. Në ekranin e madh pas orkestrës u publikuan pamje ku Kim Jong-un i gjunjëzuar vendos duart mbi një arkivol të mbështjellë me një flamur të Koresë së Veriut.

Në pamjet e transmetuara në televizionin shtetëror, dëgjohet një ofshamë dhe ai që merrë frymë shpejt.

North Korea: Kim Jong Un's death cult celebrated the deaths of thousands of North Korean soldiers he sent to help Russia invade Ukraine, 7,000km away. pic.twitter.com/QB7mMreoZd

— Igor Sushko (@igorsushko) June 30, 2025

Në klipet tjera ishihet udhëheqësi 41-vjeçar duke miratuar planet për operacionet ushtarake të Koresë së Veriut në rajonin Kursk të Rusisë, ku forcat koeranoveriore u vendosën në fund të vitit të kaluar për të ndihmuar Moskën të largonte forcat ukrainase nga një pikë.

Ceremonia u zhvillua të dielën, disa ditë pasi Kim përuroi një pikë turistike në bregdet. Gjatë fundjavës, Kim u shfaq në këtë ngjarje me vajzën e tij Kim Ju-ae, e cila qëndroi në këmbë dhe duartrokiti ndërsa këngëtari performoi para imazheve të ushtarëve dhe tankeve të Koresë së Veriut me stemën ruse “Z”.

Analistët vlerësojnë se Kim me këtë njohje publike të viktimave u përpoq të qetësonte pakënaqësinë e popullsisë, edhe pse në ceremoni u shfaqën vetëm gjashtë arkivole.

Ndryshe, sipas të dhënave të Ministrisë Britanike të Mbrojtjes, rreth 6.000 ushtarë të Koresë së Veriut u vranë ose u plagosën në luftimet në Kursk.

Ndërkohë Shërbimi sekret i Koresë së Jugut njoftoi të enjten e kaluar se Pheniani mund të dërgojë edhe 6.000 trupa për të ndihmuar Moskën. Bashkëpuntori i ngushtë i Putinit, Sergei Shoigu, tha se brenda kësaj vere në Rusi do dërgohen 5.000 punëtorë ndërtimi dhe 1.000 inxhinierë çminimi.