Video/ Klithmë dhe dhunë, ja si përfundoi drama spanjolle në Porto Palermo…
U akuzua Borshi për terrorin ndaj turistëve spanjollë por shumë shpejtë u zbulua se gjithçka ishte një propagandë e qëllimshme qeveritare sepse ngjarja kishte ndodhur në Porto Palermo të Himarës.
Pas propagandës qeveritare dhe ministrit Klosi se gjithçka përfundoi mirë sot publikohet dhe videoja e filmuar brenda furgonit ku ishin 7 persona, 5 prej të cilëve spanjollë, të cilët pasi kanë hyrë në ambientet e restorantit dhe nuk u ka pëlqyer shërbimi i ofruar janë ngritur për t’u larguar por kjo nuk u ka pëlqyer pronarëve të lokalit.
Ata ndjekën nga pas furgonin e turistëve, goditën fizikisht drejtuesin shqiptar të mjetit dhe shoqëruesin me 5 turistët spanjollë. Turistët u goditën edhe me armë të ftohta ndërsa iu thyen xhamin e furgonit por skena horroripasuan edhe kur furgoni arriti të niset ndërsa pronari Mihal Kokëdhima nuk po heqte dorë nga dhuna:
Pjesë nga biseda:
Mihal Kokëdhima: Mbaje, mbaje, mbaje se do hidhem unë po mbaje – o ç’vdiqa, mbaje këtu të thash se do vdes këtu
Shoferi dhe shoqeruesi në furgon: Zbrit nga makina tani, zbrit poshtë. Po na ndjekin nga mbrapa të tjerët. Nuk do ndaloj fare, do shkoj në polici direkt. Merrni policinë, Hajdeni se na vrau, do vijë këtu policia, në Sarandë do vemi. Shkoni në polici kështu
Telefonata me policinë: Ngrini postbllok në Qeparo…erdhën me thika, kanë thyer makinën.
Arrestimi i pronarit të lokalit:
Një ditë pas ngjarjes së rëndë, ditën e djeshme, policia ka arrestuar pronarin e lokalit, 51-vjeçarin Mihal Kokëdhima, banues në Sarandë.
“Policia e Sarandës në bashkëpunim me Policinë e Himarës, pas hetimeve të kryera në lidhje me konfliktin e djeshëm në një lokal të Himarës, kanë bërë të mundur arrestimin në flagrancë të 51-vjeçarit pasi ditën e djeshme, në lokalin e tij Bar-Restorant në Porto Palermo të Himarës, për motive të dobëta ka kanosur me fjalë një grup turistësh spanjollë.
Më pas ka dëmtuar mjetin e transportit privat të tyre dhe është konfliktuar fizikisht me ta duke u shkaktuar dëme në trup por më shumë është dëmtuar shtetasja spanjolle K.R.
Materialet iu referuan Prokurorisë në ngarkim të tij për veprat penale “Kanosja”, “Dëmtime të tjera me dashje”, “Shkatërrimi i pronës””, thuhej në njoftimin e policisë.
