VIDEO/ Koha për të larguar Ramën dhe për të…

Ka ardhur koha për të larguar Edi Ramën dhe t’i hapet rruga Shqipërisë drejt Europës. Deklarata është bërë nga deputeti Flamur Noka, i cili gjatë një deklarate për mediat tha se shqiptarët dhe BE nuk kanë asnjë dyshim se kjo qeveri e ka lidhur fatin e saj me krimin dhe drogën.

Noka citoi artikujt e shumtë të mediave të huaja për drogën që eksportohet nga Shqipëria dhe pastrimin e parave nga qeveritarët.

“Dëshmia e zyrtarëve të Policisë italiane dhënë gazetës franceze Liberation se në Shqipëri po mbillet kanabis me sasi të mëdha ëhstë dëhsmi e faktit se Edi Rama po gënjen.

Në Bari është bllokuar 10 ton drogë vetëm 4 muajt e fundit, prodhim i muajve të fundit sipas analizave, kohë kur Rama shpalli fitoren e luftës kundër kanabisit.

E vërteta është se lufta kundër trafikut të drogës është një ngakushtet e vëna Shqipërisë në këmbim të hapjes së negociatave. Edhe mediat europiane po e shprehin hapur se paratë e drogës janë të pushtetit.

Shqiptarët dhe BE nuk kanë asnjë dyshim se kjo qeveri e ka lidhur fatin e saj me krimin dhe drogën dhe tani është koha ta largojmë Edi Ramën dhe bandën e tij që t’i hapim rrugën Shqipërisë drejt Evropës”, tha Noka.