VIDEO/ Kolumbia dhe Japonia kalojnë grupin, Senegali skualifikohet për 1 karton

Kolumbia kualifikohet në të tetën e finales, kurse Senegali i tronditur, eliminohet dhe mblodhi valixhet për në shtëpi. Senegali mundet me rezultat 1:0 nga Kolumbia, në ndeshjen e fundit të grupit H të Kampionatit Botëror.

Japonia edhe me humbjen 1:0 nga Polonia, siguroi kalimin, sepse kishte një kartonë të verdhë me pak se Senegali, pasi me senegalezët janë baras me pikë (4) dhe me golavarazh (4:4). Kolumbia tregoi lojë shumë të mirë sikurse edhe Senegali, por këta të fundit pësuan për shkak të një pakujdesie.

Në minutën e 17-të, lojtari i Kolumbisë Sanchez e rrëzoi Manen dhe gjyqtari referoi penallti. Megjithatë gjyqtari Mazhiç shikoi video – asistencën dhe e ka vërejtur se nuk ka ekzistuar penalltia, duke e shfuqizuar vendimin e tij.

Në minutën e 31-të, James Rodriguez largohet nga fusha për shkak të lëndimit dhe në vend të tij futet Muriel.
Gjithçka vuloset në minutën e 74-të, Yerry Mina nga rreth 7-8 metra godet fort me kokë, duke e lënë të shtangur kombëtaren senegaleze, 1:0. Pas tre minutave (77’), Niang në zonë, nga një pozitë vështirë, sfidoi portierin kolumbian Ospina.

Senegali me humbje eliminohet, Kolumbia me fitore zuri vendin e parë me 6 pikë, duke lënë pas Japoninë me 4, Senegalin 4 dhe Poloninë 3.

Ndërkaq, Polonia shënoi fitore (1:0) të pavlerë ndaj Japonisë, me golin e Jan Bednarek, i cili nga afërsia tundi portën japoneze.

Senegali – Kolumbia 0:1

Stadiumi “Cosmos Arena”, Samara.

Gjyqtar: M. Mazhiq (Serbia).

Shënues: Mina (74’).

Kartonat e verdhë: Niang – Mojica.

Senegali: N’Diaye, Gassama, Sane, Koulibaly, Sabaly (Wague 74’), Sarr, Kouyate, Gueye, Mane, Keita (Konate 80’) dhe Niang (Sakho 89’).

Kolumbia: Ospina, Arias, Sanchez, Mina, Mojica, Uribe (Lerma 83’), Sanchez, Cuadrado, Quintero, Rodriguez (Muriel 31’) dhe Falcao (Borja 89’).

Japonia-Polonia 0:1

Stadiumi Volgograd.

Gjyqtar: J. Sikazwe (Zambia).

Shënues: Bednarek (60’).

Kartonat e verdhë: Makino.

Japonia: Kawashima, Sakai, Yoshida, Makino, Nagatomo, Yamaguchi, Shibasaki, Sakai, Okazaki (Osako 47’), Usami (Inui 65’)dhe Muto (Hasebe 82’).

Polonia: Fabianski, Bereszynski, Glik, Bednarek, Kurzawa (Peszko 79’), Krychowiak, Goralski, Jedrzejczyk, Zielinski (Teodorczyk 79’), Lewandowski dhe Grosick.

Grupi H

Japonia-Polonia 0:1

Senegali-Kolumbia 0:1

Tabela

1. Kolumbia 3 2 0 1 6

2. Japonia 3 1 1 1 4

3. Senegali 3 1 1 1 4

4. Polonia 3 1 0 2 3