Video/ Kosovë-Serbi, Presidenti Trump: Si u arrit Marrëveshja për 20 minuta!

Presidenti i SHBA, Donald Trump, nga Omaha e Nebraskas e bëri të qartë se si u arrit Marrëveshja tregtare Kosovë-Serbi për 20 minuta pas një lufte, siç tha ai, 400 vjeçare. Duke folur për nominimin e tij për tri çmime Nobel, për rajone të ndryshme, ai tha se kishte kërkuar nga staf i tij që tu bëhet e qartë palëve në konflikt se “Ne nuk do të bëjmë asnjë biznes me ta, deri sa të ndalen së vrari njëri-tjetrin”!

“Unë jam nominuar për tri çmime Nobel, a mund ta besoni, dhe kjo për rajone të ndryshme, sikurse mes Kosovës dhe Serbisë, jemi duke bërë marrëveshje tregtare. Ata ishin duke e luftuar dhe duke e vrarë njëri-tjetrin për shumë dekada. Më pas thash, tregojuni që ne nuk do të bëjmë asnjë biznes me ta, ata e duan biznesin tonë, ne nuk do të bëjmë asnjë biznes deri sa ata të ndalen së vrari njëri-tjetrin,” tha Presidenti Trumpo në Omaha duke dhënë një detaj që nuk dihej deri më sot:

“Dhe e dini çfarë, u deshën vetëm 20 minuta për të bërë marrëveshje! Mendoj që ata po luftonin që 400 vjet, ishin duke luftuar për shumë kohë. Para dy muajve ata ishin në zyrën time, duke përqafuar e puthur njëri-tjetrin!”