Video/ KQZ, Komisioni Rregullator miraton modelin e fletës së votimit për Diasporën

Komisioni Rregullator pranë KQZ ka miratuar me pesë vota për, modelin e fletës së votimit për Diasporën.

Sipas Vendimit “Për miratimin e karakteristikave teknike të fletës së votimit për zgjedhësit me banim jashtë territorit të Republikës së Shqipërisë, për zgjedhjet për Kuvend të datës 11 maj 2025” i miratuar tashmë nga Komisionit Rregullator pranë KQZ-së, fleta e votimit, që sipas kodit duhet të ketë elemente dalluese nga ajo për votuesit brenda vendit, krahas emrit në fillim të fletës FLETË VOTIMI NGA JASHTË nga mbrapa do të ketë dy shirita vertikalë në ngjyrë të përafërt me të kaltrën. Kjo në mënyrë që kur të jetë e palosur të dallohet nga fletë e votimit të votuesve brenda vendit.

Ndryshe, diasporës, fleta e votimit do t’i shkojë në zarf me postë dhe po me postë ajo do të kthehet në Shqipëri ku do të numërohet në KQZ.