Video/ Krim shtetëror, policia dhunon gazetarin Enver Doçi

Policia në Dibër ka dhunuar gazetarin e News 24, Enver Doçin. Në momentin kur ai po filmonte arrestimin e disa personave, u godit nga policia.

Pjesëtarët e Njësisë Speciale RENEA kanë goditur gazetarin me tytën e armës në këmbë dhe në krah. Gjithashtu, policia i ka thyer gazetarit Doçi telefonin me të cilin ka qenë duke filmuar.

Ashtu si edhe në rastet tjera të krimit shtetëror edhe me këtë rast regjimi i Edi Ramës shpreh keqardhje “për këtë incident” dhe askush nuk merr përgjegjësi.

Policia e Shtetit dhunën kriminale të pjesëtarëve të RENEA ndaj gazetarit Enver Doçi e arsyeton me faktin se ishte duke kryer një operacion për arrestimin e një personi me precedent të shumëfishtë dhe se operacuioni ka qenë kompleks.

Dhuna ndaj gazetarit, thekson policia kriminale, ka ndodhur nga pakujdesia dhe policia shpreh keqardhje për këtë incident.

Ky reagim i Policisë së Shtetit që nuk arreston kriminel me uniform që dhunojnë gazetarë në krye të detyrës dhe mbanë me muaj të tërë nën pranga protestues pa asnjë provë, është mesazhi i qartë pak orë para zgjedhjeve vendore të Edi Ramës se si duhet të raportojnë, ndryshe do të pësojnë si Enver Doçi

Siguria që premton Policia e Shtetit përmes komunikatës, për të gjithë qytetarët dhe gazetarët se ndodhi të tilla nuk do lejohen të përsëriten, pavarësisht arsyeve dhe situatave është e ngjashme me premtimin që bëri dje Ministri i Brendshëm, Ish-Gjeneral Sandër Lleshaj  se Ligji do të veprojë pa asnjë mëdyshje ndaj çdo forme të krimit. Ja krimi ndodhi, Ligji nuk veproi!

Në fund, që Policia e Shtetit mashtron dhe gënjen e konfirmoi edhe vetë gazetari i dhunuar Enver Doçi:

Njoftimi i policisë:

Dibër

Policia e Shtetit ka ndaluar sot në mbrëmje në Peshkopi një person me precedente të shumëfishtë penale, ndaj edhe aksioni i ndalimit ka qenë kompleks. Nisur nga të dhënat e marra në rrugë operacionale, operacioni ishte me risk të shtuar.

Në kushtet e këtij aksioni të zhvilluar në një situatë të tensionuar, një punonjës i Forcave të Ndërhyrjes së Shpejtë është treguar i pakujdesshëm duke shtyrë një gazetar teksa po filmonte me celular operacionin.

Policia e Shtetit shpreh keqardhje për këtë incident duke i kërkuar ndjesë gazetarit të TV “Neës 24”.  Ky akt i pakëndshëm erdhi si rezultat i aksionit të zhvilluar nën tension dhe pamundësisë së punonjësit të Policisë për të identifikuar në kohë të shpejtë gazetarin.

Pavarësisht situatës së krijuar, Policia e Shtetit siguron të gjithë qytetarët dhe gazetarët se është në shërbim të tyre dhe ndodhi të tilla nuk do lejohen të përsëriten, pavarësisht arsyeve dhe situatave