Video/ “Kriza Brexit”, Theresa May jep dorëheqje!

Kryeministrja e Britanisë së Madhe, Theresa May, dha dorëheqje duke i hapur rrugën një kryeministri të ri, me vlerësimin se kjo është “në interesin më të mirë të vendit”.

Në një deklaratë emocionale, Theresa May tha se ajo kishte bërë më të mirën për të respektuar rezultatin e referendumit për daljen e Britanisë nga Bashkimi Evropian dhe duke shpreh keqardhje të thellë se nuk kishte qenë në gjendje të përfundonte procesin e Brexitit do të largohet më 7 Qershor.

Ndryshe, pasi arlamenti britanik ka hedhur poshtë tri herë marrëveshjen e largimit të Britanisë së Madhe nga BE, Theresa May ishte nën presion për të dhënë dorëheqje nga disa deputetë të partisë së saj që dolën kundër planit të ri të Brexit.

Britania e Madhe është dashur të largohet nga Bashkimi Evropian më 29 mars. Kryeministrja Theresa May nuk arriti të bindë ligjvënësit britanikë për të votuar marrëveshjen e arritur me BE-në por arriti të marrë pajtimin e Bashkimit Evropian për shtyrjen e afatit të Brexit-it deri më 31 tetor, datë kjo kur Britania duhet të dalë nga BE me ose pa marrëveshje.