VIDEO/ Kroacia nuk fal, fiton ndaj Nigerisë…

Kombëtarja e Kroacisë fitoi me rezultatin 2:0 në përballje me Nigerinë, në ndeshjen e parë të grupit D të Kampionatit Botëror – “Rusia 2018”.

Futbollistët kroatë dhanë maksimumin, ndërsa Nigeria me gjithë orvatjet nuk ia arriti.

Në minutën e 32-të, Etebo duke dashur ta shmang rrezikun, shënoi autogol, kurse Luka Modriç nga penalltia (71′) i dha goditje tjetër nigerianëve, 2:0.

Në fakt, Nigeria me gjithë humbjen me angazhim nuk zhgënjyen, por hasën në një lojë shumë të fortë të rivalit si në mbrojtje po ashtu edhe në mesfushë, gjithsesi edhe vija e sulmit ka qenë prore e rrezikshme.

Kroatët arkëtuan tri pikë të mëdha dhe u japin qetësi për sfidën e radhës, kurse Nigeria është në presion të madh për shkak se ka dy ndeshje tjera shumë të zorshme, ndaj Islandës dhe pastaj me Argjentinën.

Kroacia luajti me mençuri dhe nuk fali gabimet e rivalit, kurse nigerianët kokulur lëshuan fushën. Kroacia prinë me 3 pikë, e pasuar nga Islanda e Argjentina me nga një dhe Nigeria renditet e fundit me 0 pikë.

Me 21 qershor Kroacia ndeshet me Argjentinën (20.00) dhe me 22 qershor Nigeria sfidohet nga Islanda (17.00).

Kroacia-Nigeria 2:0

Stadiumin në Kaliningrad.
Shikues: 32.000.
Gjyqtar: S. Ricci (Brazili).
Shënues: Etebo (32′-autogol), Modriç (71′-nga penalltia).
Kartonat e verdhë:Rakitiç, Brozoviç – Troost-Ekong.

Kroacia: Subashiç; Vrshalko, Lovren, Vida, Striniç; Perishiç, Modriç, Rakitiç, Rebiç (Kovaçiç 78′), Kramariç (Brozoviç 60′) dhe Mandzukiç (Pjaca 86′).

Nigeria: Uzoho; Abdulahi, Troost-Ekong, Balogun; Idowu, Ndidi, Etebo, Moses, Mikel (Simw 88′); Iwobi (Musa 60′), Ighalo (Iheanacho 73′).