Video/ Laos, çahet diga, qindra të zhdukur, ka edhe të vdekur…

Pas çarjes së digës në Laos, qindra persona janë zhdukur, raporton BBC, duke shtuar se ka edhe të vdekur por nuk dihet numri i saktë.

Diga që u rrënua në HEC, në krahinën Attapeu, shkaktoi përmbytje apokaliptike në gjashtë fshatra, bënë të ditur Agjencia e lajmeve e Laosit, Lao.

“Shumë jetë njerëzish janë humbur, e disa qindra janë zhdukur,” thekson BBC.

6.600 persona pa kulm mbi kokë

Rreth 6.600 persona kanë mbetur pa kulm mbi kokë për shkak të përmbytjeve të shkaktuara nga çarja e digës.

Nuk është e qartë se si erdhi deri tek çarja e digës. Kryeministri i Laosit, Thongloun Sisoulith ka shtyrë mbledhjen e qeverisë dhe u nis drejtë rajonit të përmbytur.

Pushteti lokal ka kërkuar nga qeveria ndihmë për viktimat, rroba, ushqim, ujë të pijshëm, ilaçe etj.