Video/ Lulzim Basha në Korçë: Kush shet votën, ka shitur shpirtin!

“Kush shet votën nuk duhet të flasë më as për mollën, as për çmim të lartë të pesticideve e as për çmim të lartë të naftës, sepse në atë moment ka shitur shpirtin”. Kështu u shprehë sot Kryetari i Partisë Demokratike, Lulzim Basha para  fermereve dhe banorëve në Dvoran dhe Vranisht  të Korçës.

Gjatë bisedimit me fermerët korçarë u konstatua se ata përballen me të njëjtin shqetësim si edhe fermerët e tjerë në të gjithë Shqipërinë. Me këtë rast ata theksuan se ka 5 vjet që nuk kanë marrë asnjë subvencion nga shteti.

“Sivjet nuk ka ardhur një maune me targa të huaja. Më parë vinin shqiptarët e Kosovës, vinin maqedonasit. Tani as edhe një. Nuk e di arsyen se pse nuk vijnë. Thonë që referencat në doganë,”  tha një fermer ndërkohë një tjetë shtoi:

“Jemi gati t’i shesim nën kosto prodhimet tona!”

Ata kanë këto ankesa edhe për këtë arsye:

“Pa eksport nuk mund të zgjidhet kjo situatë. Sepse edhe fuqia këtu ka rënë, njerëzit po largohen!”

Lulzim Basha para fermerëve theksoi se vështirësia e fermerit sot është përgjegjësi e drejtpërdrejtë e qeverisjes së keqe me te cilën Edi Rama ka zgjedhur të drejtojë vendin.

“Kush shet votën s’duhet të flasë më as për mollën, as për çmim të lartë të pesticideve e as për çmim të lartë të naftës, sepse në atë moment ka shitur shpirtin. Ti ndërgjegjësojmë njerëzit se kush shet
votën ka shitur të ardhmen e fëmijëve të vet. E pastaj vijnë të gjithë politikat, vijnë mbështetja e politikave të bujqësisë dhe e subvencioneve, që edhe molla juaj të dalë të paktën në tregun e Kosoës. Së dyti, të sjellim investime këtu, sepse të gjithë këto tonelata mollë, pse të ngarkohen në kamionë por të hapet fabrika këtu. Por sa kohë kryeministri dhe Ministri i Brendshëm e kanë mendjen si të shpëtojnë veten… Prandaj duhet të ndërmarrim hapin kryesor, ta pastrojmë politikën nga krimi,” tha Basha para fermerëve
korçarë.

Ndërkohë në Vranisht të Devollit, kryetari i Partisë Demokratike pasi fermerët shpalosën shqetëimet e tyre, tha se zgjidhja është në dorën tuaj.

“Nëse e mbajme këtë klikë në pushtet nuk ka asnjë rritje rroge, pensione apo subvensione. Nese
e ndalim do te sjellim zgjidhje, kerkoj angazhimin dhe mobilizimin tuaj”.

Pjesë nga fjala e Bashës

“Vit pas viti laku ka ardhur duke u ngushtuar në fytin e fermerëve shqiptarë. Dhe tani jemi përballë riskut që të prodhoni e të mos i shisni dot prodhimet ose t’i lini djerrë. Nga puna juaj varet buka e familjes tuaj dhe atyre që punojnë në bujqësi. Fermeri, fshati dhe bujqësia janë braktisur. Buxheti vit pas viti nuk ka ndryshuar për bujqësinë. As 1/3­ta e buxhetit qe jep Kosova. Prodhimet e fqinjëve të subvencionuar konkurojnë fermerët shqiptarë.

Dy jane problemet: mungesa e fondeve, braktisja totale. PD synon rikthimin e skemës së subvencioneve
Shteti duhet të ndihmojë jo vetëm pika grumbullimi por edhe pika përpunimi.

Prodhimi të mos çohet jashtë por të përpunohet këtu. Në vend që milionat e eurove që ua japin për një copë rrugë, këto para’ të shkojnë për të mbështetur dhe subvencionuar fermerët dhe prodhimin e përpunimin. Qe te ndodhë kjo, duhen larguar banditët nga qeverisja dhe politika.

Të ndajme e të pastrojmë politikën nga krimi. Shitja e votës është një e keqe e madhe. Kjo e keqe në pushtet është edhe për shkak të atyre që e shesin votën.

Shëndetësia është në mjerim. Po arrijmë në nivele afrikane pasi edhe mjekët po e braktisin vendin.
Vitin e ardhshëm janë parashikuar në buxhet 22 milion dollarë për inceneratorët e Arben Ahmetajt.”