Video/ Media shtetërore iraniane publikon një dorë duke përkëdhelur një bombë bëthamore
Derisa Izraeli ka vazhduar me sulmet e tij dhe Presidenti i SHBA Donald Trump paralajmëroi udhëheqjen e Iranit, media shtetërore e Iranit ka publikuar një video në rrjetet sociale ku shihet një dorë duke përkëdhelur një bombë bërthamore me mbishkrimin: “Ndoshta”
ربما..
— إيران بالعربية (@iraninarabic_ir) June 17, 2025
Maybe pic.twitter.com/tB02PrPbp1
Ndërsa videoja u publikuar në rrjetin social X nga Agjencia Arabe iraniane e Lajmeve, Irani zyrtar vazhdon dhe deklaron se nuk e ka ndërmen të prodhoj armë bërthamore.
Mohimi i Teheranit
Izraeli ka sulmuar prej gjashtë ditësh objektet ushtarake dhe bërthamore të Iranit, duke shkatërruar udhëheqjen ushtarake dhe inteligjente të Iranit dhe duke vrarë disa shkencëtarë kryesorë bërthamorë.
Izraeli pretendon se po vepron për të parandaluar Iranin të ndërtojë një bombë bërthamore.
Nga ana tjetër Irani është kundërpërgjigjur me sulme me dronë dhe raketa ndaj Izraelit, por mohon se dëshiron të ndërtojë armë bërthamore dhe pohon se programi i tij bërthamor është vetëm për përdorim civil.
Në kulmin e tensioneve, Presidenti amerikan Donald Trump i bëri thirrje Iranit të arrijë një marrëveshje për çështjen bërthamore duke i bërë të qartë se nuk do të lejoj zhvillimin e armëve bërthamore.
Ndërsa Izraeli vazhdoi të sulmoj Iranin, Presidenti Trump ka forcuar praninë ushtarake të Amerikës në Lindjen e Mesme, duke shqyrtuar mundësinë për t’ju bashkuar sulmit izraelit.
“DORËZIM PA KUSHT!” ishte mesazhi i Presidentit të SHBA, Donald Trump, për lidershipin iranian, të cilin e publikoi dje në rrjetin social Truth.
