Video/ Miliarderë dhe Servilë, shikoni se si Gates, Zuckerberg dhe Altman i lëpihen Trumpit
Presidenti i Shteteve të Bashkuara, Donald Trump, dhe zonja e parë, Melania Trump, pritën në një takim në Shtëpinë e Bardhë, njerëzit më me ndikim të industrisë amerikane të teknologjisë.
Kreu i kompanisë Meta, Mark Zuckerberg, themeluesi i Microsoft, Bill Gates, CEO-të e Apple, Tim Cook, Google, Sundar Pichai, Microsoft, Satya Nadella, Oracle, Safra Catz dhe OpenAI, Sam Altman, si dhe një numër udhëheqësish të tjerë të Silicon Valley nuk harruan investimet dhe lëvdatat për Presidentin Trump, por temat kryesore munguan në tavolinë.
Miliarderë dhe Servilë
Presidenti Trump e hapi darkën në stilin e tij karakteristik, me lëvdata dhe deklarata të forta.
“Jam i nderuar që jam këtu me këtë grup njerëzish. Ata po revolucionarizojnë biznesin, zgjuarsinë dhe gjithçka tjetër,” tha Trump ndërsa premtimet për investime dhe lëvdatat e Presidentit amerikuan pasuan shumë shpejtë me lëvdata thuase ishte në mesin e militantëve dh ejo miliarderëve që kanë paratë e botës.
“Faleminderit për lidershipin tuaj të jashtëzakonshëm”, i tha Gates Trump, ndërsa Altman e falënderoi atë për aftësitë e tij në biznes dhe inovacion. Zuckerberg njoftoi se Meta do të investonte rreth 600 miliardë dollarë në infrastrukturën e SHBA-së deri në vitin 2028. Tim Cook falënderoi Trump për “vendosjen e tonit” për investimet e Apple në prodhim, edhe pse ishte një angazhim që kompania bëri nën kërcënimin e tarifave të larta për iPhone. “Gjithmonë e shijoj darkën dhe bashkëveprimin”, tha Cook.
Nadella theksoi rolin e Melanie Trump në arsim dhe aftësitë që lidhen me inteligjencën artificiale, ndërsa Pichai dhe Lisa Su nga AMD vlerësuan iniciativat e qeverisë për AI.
Safra Catz nga Oracle ishte më entuziaste: “Ju keni çliruar inovacionin dhe kreativitetin amerikan. Mendoj se kjo është koha më emocionuese në historinë amerikane.”
Mediat amerikane folën edhe për një hierarki nga vendosja se si ishin ulur kjo tufë servilësh. Zuckerberg ishte ulur menjëherë në të djathtë të Trump, Gates në të majtë të tij, pranë Melanias. Sergey Brin ishte përballë presidentit, në shoqërinë e një partnereje të cilën Trump e përshkroi si “të dashurën e tij të bukur MAGA”.
🚨NEW: Zuckerberg caught on a hot mic: "I wasn't ready to do our announcement. I wasn't sure what number you wanted to go with." 😂😂😂pic.twitter.com/VLXudG4dXb
— Autism Capital 🧩 (@AutismCapital) September 5, 2025
Munguan temat kryesore
Midis atyre që munguan ishin Elon Musk, Jeff Bezos dhe shefi i Nvidia, Jensen Huang, megjithëse raportohet se interesat e tyre të biznesit tashmë kanë mbështetjen e plotë të Trump.
Jo të gjithë patën mundësinë të flisnin: Altman foli, ndërsa Alexandr Wang i Meta Superintelligence Labs jo. Komisionerit të Trump për inteligjencën artificiale dhe kriptomonedhat, David Sacks, iu dha hapësirë, ndërsa partneri i tij në podcast, Chamath Palihapitiya, qëndroi i heshtur.
Investimet dhe lëvdata ishin në tavolinë, por munguan temat kryesore: imigracioni, thelbësor për industrinë amerikane të teknologjisë, tarifat doganore që mund ta shtrenjtojnë elektronikën e konsumit dhe kostot e mëdha energjetike për zhvillimin e inteligjencës artificiale.
Kështu, darka tregoi se sa shumë po përshtaten udhëheqësit e kompanive më të mëdha të teknologjisë me Presidentin e SHBA, Donald Trump, dhe nuk qëndron propaganda sorosiste mbi biznesin kundër iniciativave të Trumpit.
