VIDEO/ Mima: Pas kanabizimit, Rama ka menduar pastrimin e parave në ndërtim…

Deputeti i Partisë Demokratike, Florjon Mima, ka deklaruar se pas kanabizimit të vendit, pastrimi i parave të pista në ndërtim, është pjesë e një cikli të mirëmenduar nga qeveria.

“Ju patëm paralajmëruar se me këtë mënyrë qeverisjeje do të jetë e vështirë të bindni, strukturat e BE. Sot dy ditë para ka gjasa që negociatat nuk do të hapen ose do të vendosen kushte shumë herë më të mëdha.

Të gjitha këto duhet të na bëjnë të reflektojmë për rrugën qorre ku mazhoranca e ka futur vendin.
Para disa ditësh, edhe mazhoranca është njohur me një rezolutë të dhimbshme nga Gjermania, që skanon të gjitha bëmat e Rilindjes dhe vë pikat mbi “I”, disa “I” në fakt, duke filluar me krimin, drogën, korrupsionin, reformën në drejtësi që po rezulton vetëm në letër, pasi vetëm një grusht fare i vogël gjyqtarësh e prokurorësh po kalon në sitën e Vetingut, me trupat ende të pamaterializuar ende si SPAK, BKH. Ne ua thamë dhe ndeshëm në shurdhmërinë tuaj”, tha Mima në mbledhjen e Komisionit për Veprimtarinë Prodhuese.

Në vijim deputeti democrat theksoi se nuk mund të shkohet në Europë me një ministër që ka vëllanë trafikant droge të dënuar; me një Sekretar të Përgjithshëm tuajin që akuzohet për Toytota-n.

“Ju vazhdoni të qeshni, po ky është një cikël i mirëmenduar nga ana juaj dhe vazhdon me shpëlarjen e parave të pista, nëpërmjet një aktiviteti kryesor që është ndërtimi.

Opozita ju ka thënë me kohë që bumi i lejeve të ndërtimit në këtë kohë nuk ëhstë tjetër përveç materializmi për të shpëlarë këto para, aq shumë sa trondisin edhe parametrat monetarë dhe fiskalë të vendit”, tha Mima.