Video/ Minatorët protestojnë para Parlamentit, paralajmërojnë Qeverinë…

Minatorët e Trepçës kanë protestuar para Parlamentit të Kosovës duke paralajmëruar se do t’i intensifikojnë protestat nëse nuk plotësohen kërkesat e tyre.

Minatorët e “Trepçës” kanë hyrë në ditën e katërt të grevës në shenjë pakënaqësie me draft-statutin e kombinatit “Trepça”, të miratuar nga Qeveria e Kosovës. Gjatë muajit të kaluar, si formë paralajmëruese, minatorët kanë mbajtur grevë njëorëshe. Por, sipas tyre, institucionet nuk i kishin shqyrtuar kërkesat e parashtruara. Minatorët thonë se pa plotësimin kërkesave të tyre, ata nuk do të dalin nga greva dhe paralajmërojnë veprime tjera në rast të mospërmbushjes së kërkesave./RFE/