Video/ Ministria e Shëndetësisë: Ja si përhapet koronavirusi dhe si mund të mbroheni…

Ministria e Shëndetësisë dhe Mbrojtjes Sociale ka publikuar sot një video ku tregohet mënyra e përhapjes së COVID-19 si dhe mënyra për tu mbrojtur nga ky infektim që shkaktohet nga koronavirusi i ri.

“Koronavirusi përhapet nëpërmjet piklave të pështymës, kollës dhe tështimës duke prekur gojën apo hundën e personit të painfektuar ose nëpërmjet prekjes së sipërfaqeve të kontaminuara me koronavirus dhe më pas futja e duarve në gojë apo hundë,” thekson njoftimi i Ministrisë së Shëndetësisë shoqëruar me një video ndërsa rekomandon që për të eleminuar nga sipërfaqet e duarve koronavirusin duhet larja me ujë dhe sapun e duarve ose dezinfektimi me solucione me bazë alkooli.

Si përhapet COVID- 19 dhe si mund të mbroni veten tuaj?

COVID-19 është një sëmundje infektive e shkaktuar nga një koronavirus i ri i shfaqur për herë të parë tek njerëzit.

Koronavirusi është një virus i rrugëve të frymëmarrjes që përhapet nga personi i infektuar nëpërmjet piklave të pështymës, kollës dhe tështimës.