Video/ Mit’hat Frashëri në Shqipëri, Basha: Kënaqësi që u përmbush detyrimi i madh kombëtar…
Kënaqësi që u përmbush amaneti i Mit’hat Frashërit, detyrimi i madh kombëtar i të gjithë patriotëve shqiptarë. Kështu u shpreh kryetari i Partisë Demokratike, Lulzim Basha duke shprehur kënaqësinë për vendimin e kthimit në atdhe të eshtrave të Mit’hat Frashërit dhe varrimin e tij në Shqipëri.
“Kënaqësi që eshtrat e këtij burri të madh, patrioti të rrallë, dhe shkëncëtari të një dimensioni europian që ka bërë kaq shumë për Shqipërinë deri në frymën e tij të fundit do të prehen sipas amanetit të tij, tha Lulzim Basha duke shtuar se eshtrat e çdo patrioti, që padrejtësia e diktaturës gjakatare të Enver Hoxhës i ka lënë të dergjen jashtë kufijve të mëmëdheut, për të cilin dhanë gjithcka, duhet të kthehen dhe të nderohen në Shqipëri.
Ja fjala e plotë:
Një nga ditët e rralla, ndoshta të pakta që qëndrojmë me një sens krenarie, nderimi por kënaqësie.
Kënaqësi që u përmbush amaneti i Mit’hat Frashërit, detyrimi i madh kombëtar i të gjithë patriotëve shqiptarë.
Kënaqësi që eshtrat e këtij burri të madh, patrioti të rrallë, dhe shkëncëtari të një dimensioni europian që ka bërë kaq shumë për Shqipërinë deri në frymën e tij të fundit do të prehen sipas amanetit të tij.
Dua të falenderoj të gjithë ata që e bënë këtë të mundur, në vecanti deputetin e Partisë Demokratike Agron Shehaj, Akademinë e Shkencave, kjo ishte gjetja e duhur për ta patur këtu këtë proces nderimi dhe përkujtimi për këtë burrë të jashtëzakonshëm dhe për të vendosur një shembull i cili duhet të ndiqet edhe nga shumë të tjerë.
Eshtrat e çdo patrioti, që padrejtësia e diktaturës gjakatare të Enver Hoxhës i ka lënë të dergjen jashtë kufijve të mëmëdheut për të cilin dhanë gjithcka, duhet të kthehen dhe të nderohen në Shqipëri.
Vlerësoj iniciativën e historianit Uran Butka, përkushtimin e deputetit Agron Shehaj.
Qeveria, si administrator e taksapaguesve, nuk ka asgjë më pak se detyrimin për të kryer të gjitha procedurat për nderimin e këtij patrioti të madh.
