Video/ Mitrovicë Veri, pas arrestimit të 4 vrasësve, liderët dhe mediat serbe flasin për luftë

Mëngjesi i sotëm pas arrestimit të 4 serbëve në veri të Mitrovicës për shkak të implikimit në vrasjen e politikanit serb Oliver Ivanoviç e ka gjetur Serbinë më të bashkuar se kurrë, dhe për çudi edhe mediat serbe në mbështetje më të madhe se kurrë për Presidentin e Serbisë, Aleksandar Vuçiç dhe kundër shqiptarëve.

Përveç televizionit publik serb RTS, të gjitha mediat përmbytën rrjetet sociale me lajme, foto dhe video se Njësia Speciale e Kosovës, ROSU, është futur në veri të Kosovës, okupim i madh po ndodhë sepse janë futur pa lejen e Beogradit edhe pse me rastin e prezencës së Presidentit të Kosovës në Liqenin e Ujmanit, vetë KFOR-i ishte shprehur se Policia e Kosovës lëviz në çdo cep të Kosovës.

Nga ana tjetër, Presidenti i Serbisë thirri të gjitha strukturat e sigurisë së shtetit serb në një mbledhje urgjente, ndërkohë krerët e komunave serbe që funksionojnë në kudar të shtetit të Kosovës, përveç se kanë mbledhur serbët me alarmet e tyre të famshme që në orët e para të mëngjesit kanë filluar të flasin edhe për gatishmëri lufte. I tillë ishte kryetari i komunës Mitrovicë Veri, Goran Rakiç, i cili, pasi e quajti aksionin e Policisë së Kosovës si një ndërhyrje të ashpër, akuzoi KFOR-in pse kishte  thënë dje se siituata është nën kontroll ndërkohë që kishte lëvizje të trupave policore në terre, tha se sikur ROSU mos të ishte tërhequr do të shpërthente lufta:

“Sikur ROSU mos të ishte tërhequr, do të shpërthente lufta! Iu futën njerëzve nëpër shtëpi. Janë të turpshme edhe shkrimet në disa media se ROSU po tërhiqet në Jug të Mitrovicës,” tha Rakiç njëri ndër protagonistët kryesor serbë gjatë luftës së Kosovës dhe nxitësit kryesor të protestave serbe pas kësa lufte, i cili për dallim nga homologu i tij në Jug, e urrenë paqen dhe gjithçka që është joserbe.

Edhe pas përfundimit të aksionit të arrestimit të vrasësve të Ivanoviçit, Beogradi zyrtar shihet qartë se nuk është i interesuar për zbardhjen e kësaj vrasje, e cila për fatin e tyre të keq ndodhi në veri të Kosovës.

“Kjo është një lëvizje e njëanshme shumë e rrezikshme e Prishtinës me të cilën po tensionohet situata , por për fat të keq edhe po paralajmërohen aksione tjera të dhunshme” tha kryetari i Komisionit për Kosovën pranë Parlamentit të Serbisë, Milovan Drecun në një dalje publike për televizionin publik serb, RTS, ndërsa presidenti i Serbisë, Aleksandar Vuçiç po zhvillonte mbledhjen me shefat e strukutrave të sigurisë së shtetit serb.

Edhe pse reagoi KFOR-i përmes zëdhënësit, Viçenco Graso, duke theksuar se ai ishte informuar për arrestimet dhe po përcjellë situatën e cila për momentin është e qetë, pas thirrjes së kryetarit të komunës së Mitrovicës Veri, Goran Rakiç, dhe mbledhjes së Shtabit të Krizës, siç e quajnë ata, serbët i kthehen vitit 2004 duke dalë në anën e krimit dhee paralajmërojnë bllokimin e rrugëve në pikat e famshme Rudare dhe Zveçan, si dhe vendkalimin Jarinje me Serbinë.

Ndryshe, rreth orës 04:00 të  mëngjesit, me urdhër të Prokurorisë Speciale të Kosovs, pjesëtarët e Policisë së Kosovës kanë arrestuar në veri të Mitrovicës katër serbë me dyshimin se janë të implikuar në vrasjen e politikanit serb Oliver Ivanoviç.

Të arrestuar janë: Dragisha Markoviç, ish-pjesëtar i Policisë s ë Kosovës, Sasha Çurçiq, Marko Roshiq dhe Nedelko Spasojeviç.