Video/ Momenti i arrestimit të terroristit në Zelandën e Re

Pas aktit të tmerrshëm terrorist në dy xhamitë në qytetin Christchurch në Zelandën e Re u bë e ditur se ky akti ishte transmetuar Live në rrjetin social Facebook nga një person i cili u prezantua si Brenton Tarrant, 28 vjeç nga Australia, video të cilën PaFrikë e publikoi si përmbledhje, ndërkohë u publikua edhe një video e momentit të arrestimit.

Në video shihet një makinë policie e cila e shtynë nga rruga një makinë, ku ishte sulmuesi. Makina e terroristit menjëherë rrethohet me policë, kur dhe bëhet arrestimi.

Ndryshe, në qytetin Christchurch të Zealndës së Re fillimisht është sulmuar Xhamia Al Noor, ku në momentin e sulmit të paktën ishin 200 besimtarë duke kryer ritualin e faljes, dhe më pas është sulmuar edhe një xhami tjetër vetëm 10 minuta larg saj, në Linwood.

Gjatë këtyre dy sulmeve terroriste janë vrarë të paktën 49 persona ndërkohë që autoritetet lokale presin që ky numër të rritet duke pasur parasysh plagët që kanë dhjetëra persona dhe janë në gjendje të rëndë.