Video/ Mosbindja Civile, Berisha: Edi Rama, prite popullin opozitar!
Në prag të fillimit të mosbindjes civile, Kryetari i Partisë Demokratike, Sali Berisha, kishte një mesazh të qartë për Kryeministrin Edi Rama i cili ka blinduar kryeministrinë.
“Demokratet e demokratë, qytetare e qytetarë, nisin revoltën e tyre, zemërimin e tyre e shpalosin kundër kusarëve që i kanë kujtuar demokratët se janë qytetarë të dorës së tretë, se janë qenie për tu shtypur, se nuk kanë nerv dhe të reagojnë dhe se është më mirë të thyejnë qafën dhe të ikin nga Shqipëria,” shprehet Sali Berisha në mesazhin e tij shoqëruar me një video ndërsa përfundon:
“Iku ajo kohë më, ato ditën kanë perënduar Edi Rama, prite, prite opozitën.
Është radha jonë, është radha jonë!”
Ndryshe, sot duke filluar në orën 18:00 fillon Marshimi drejt Tiranës dhe ndryshe nga format klasike të protestës, opozita shqiptare ka parashikuar fillimin e mosbindjes civile me një protestë para Kryeministrisë pa fjalime, dhe vazhdimin e saj me marshimin drejt pikave kyçe të kryeqytetit të cilat janë paarshikuar të bllokohen.
