VIDEO/ Ndahen barazim Japonia-Senegali

Ballafaqimi Japoni-Senegali, pa dyshim se ka qenë prej ndeshjeve më të mira deri me tani në Kampionatin Botëror.

Ndeshje me emocione deri në fund por që nuk solli fitues, duke përfunduar me rezultat 2:2. Te dyja kombëtaret u përpoqën maksimalisht por asnjëra nuk arriti të shënojë fitoren e dytë rresht në grup. Senegali dy herë ishte në epërsi por nuk ia doli ndaj Japonisë shumë të fortë. Në minutën e 12-të, Sabaly godet fortë portieri Kawashima reagon jo aq mirë, ndërsa topi kthehet deri te Sadio Mane dhe nga afërsia pa telashe e plasoi në rrjetë, 0:1.

Japonia gjithnjë energjike dhe në minutën e 34-të, Nagatomo mashtron dy lojtarë, pason te Inui i cili brenda 16-shit me gjuajtje të fortë barazoi rezultatin 1:1. Pjesa e dytë jashtëzakonisht e mirë, Senegali me disa raste të mira po ashtu edhe Japonia. Në minutën e 64-të, Osako i pafat, goditja e tij u ndalë nga tërthorësja, ndërsa Senegali me fat të madh.

Mbrojtja e Japonisë e shkapërderdhur, ndërsa Moussa Wague nga afërsia me një goditje të fortë shënon dhe kaloi në epërsi (1:2) Senegalin në minutën e 71-të. Pas shtatë minutave (78’) reagim i dobët i mbrojtjes së Senegalit, kur zëvendësuesi Keysuke Honda nga afërsia me mjeshtri gjuajti dhe barazoi rezultatin 2:2. Nga një pikë për secilën kombëtare dhe udhëheqin me nga 4 pikë në grupin H e me goldallim identik 4:3. Me 28 qershor takohen Japonia me Poloninë (16.00) dhe Senegali-Kolumbia (16.00).

Japonia-Senegali 2:2

Stadiumi “Central” në Yekaterinburg. Gyjqtar: G. Rocchi (Italia).

Gjyqtar: G. Rocchi (Italia).

Shënues: Inui (34’), Honda (78’) – Mane (11’), Wague (71’).

Kartonat e verdhë: Inui, Hasebe – Niang, N’Doye e Sabaly.

Japonia: Kawashima, Hiroki Sakai, Yoshida, Shoji, Nagatomo, Haraguchi (Okazaki 75’), Hasebe, Shibasaki, Inui (Usami 87’), Kagawa (Honda 72’) dhe Osako.

Senegali: Khadim N’Diaye, Sabaly, Koulibaly, Sane, Wague, Ndiaye (N’Doye 81’) (Kouyate 65’), Alfred N’Diaye, Gueye, Sarr, Niang (Diouf 86’) dhe Mane.