VIDEO/ Ndeshje e çmendur, Belgjika kalon Japoninë në sekondën e fundit

Belgjika u kualifikua në çerekfinalen e Kupës së Botës, pasi ka përmbysur me rezultatin 3-2 Japoninë në minutën e fundit të kohës së rregullt.

Japonia e befasoi Belgjikën me nisjen e pjesës së dytë të ndeshjesh, duke i shënuar dy gola të shpejtë, por belgët reaguan me të njëjtën mënyrë, duke rikthyer baraspeshën për 5 minuta.

Haraguchi dhe Inui ishin dy autorët e golave mjaft të shpejtë të japonezëve, ndërsa për Belgjikën shënuan Vertonghen dhe Fellaini.

Por kur të gjithë menduan se përfundoi gjithçka dhe ndeshja shkoi në shtesë, Chadli shënoi golin e kualifikimit për Belgjikën.