Video/ Në Kinë edhe gaforret e karkalecat e detit testohen për koronavirus

Peshqit, gaforret, madje edhe karkalecat e detit, në qytetin bregdetar kinez Xiamen testohen për koronavirus, dhe konsiderohet pjesë e përpjekjes për të parandaluar pandeminë. Kjo ka shkaktuar humor dhe kritika tek ata që mendojnë se kjo është e pakuptimtë.

Videos of pandemic medical workers giving live seafood PCR tests have gone viral on Chinese social media. pic.twitter.com/f185d056Xs

— South China Morning Post (@SCMPNews) August 18, 2022

Në rrjetet sociale përfunduan video me njerëz të veshur me rroba mbrojtëse, duke bërë testimin e koronavirusit tek peshqit, gaforret e karkalecat. Disa prej ekspertëve u shprehen se kjo është një shenjë që në politikë teprohet me “zero të infektuar me koronavirus”.

Në Kinë nga fillimi i pandemisë zbatohet testimi masiv, karantina e gjatë dhe lockdowni. Mirëpo, omicroni shumë infektues, mutacion ky i koronavirusit u bë një sfidë e madhe, përkundër masave të rrepta epidemiologjike.

Autoritetet e Xiamen kanë kërkuar nga peshkatarët që gjallesat që kapin në det ti testojnë për koronavirus. Ata akuzuan peshkatarët se nga muaji qershor me tregti ilegale dhe kontakte ilegale në provincën Fujian kanë përhapur këtë virus duke i shkaktuar shoqërisë një dëm të madh.

Në këtë qytet, i cili ka rreth 4.3 milionë banorë, sot kanë rezultuar 10 persona pozitiv me koroanvirus, duke e çuar numrin e të prekurve me koronavirus në 65; Ndërkohë të mërkurën filloi dhe testimi masiv në tri cikle.

Profesori i Universitetit për shkencat biomjekësore në Hong Kong, Dongyan Jin tha për CNN se testimi i gjallesave të detit është shpenzim i kot i resurseve ndërsa shtoi se në fokus duhet të jenë njerëzit dhe jo peshqit.

Duke sqaruar se pse ky testim është i kot, theksoi se ka shumë pak gjasa që peshku të jetë pozitiv në koronavirus dhe ta transmetoj tek njeriu.

Sipas profesorit Dongyan Jin, nuk ka dëshmi deri më sot se koronavirusi mund të transmetohet nga peshku tek njeriu.