Video/Në luftën kundër Trump, mediat sorosiane zhvleftësojnë edhe NATO-n
Në luftën e pamëshirshme kundër presidentit të SHBA, Donald Trump, mediat që tashmë nuk e kanë vetëm damkën “sorosiane”, nuk e kursejnë as Aleancën Veriatlantike edhe pse është i vetmi institucion politiko-ushtarak që e frenon Rusinë dhe Putinin.
Kur është krijuar në vitin 1949, Shtetet e Bashkuara nuk e kishin mendjen tek Mali i Zi ose Shqipëria, siç e paraqesin sot qendrën e botës, mediat sorosiane, por problem ishte BRSS dhe mungesa e një aleance ushtarake që do të përballej me këtë bishë të tërbuar.
Por media, kjo armë e fortë e propagandës Anti-Trump nuk e ka llogaritur vetëm një fakt, përgënjeshtrimin, ai i cili mund ti bëhet me zë dhe figurë. I tillë është edhe rasti i fundit ku Presidenti Trump u paraqit si njeriu i cili në rast të shpërthimit të një lufte, siç thuhet “të tretë botërore” të nxitur nga shqiptarët agresiv, nuk do ta mbronte Malin e Zi!
Meqë Presidenti Trump, për fat të mirë, intervistën e dha në një televizion, konkretisht për rrjetin Fox News, aty shihet qartë se nuk përmendi për asnjë moment “shqiptarët agresiv” dhe nuk tha se nuk do ta mbroj Malin e Zi.
Soros dhe mediat e tij mund të jenë kundër Nenit 5, por ai e bënë Aleancën më të fortë; Dhe, Mali i Zi nuk është në NATO për të bërë luftë por për ta bërë Aleancën Veriatlantike më të fortë duke e bërë Rusinë më pak të pranishme në këtë pjesë të Evropës, aq më shumë kur kemi të bëjmë me vijë bregdetare. Ky qëllim dhe u arrit dhe tashmë kemi Rusinë agresive ndaj këtij fakti!
Po a vuri në dyshim Presidenti Trump detyrimin e SHBA për të mbrojtur Malin e Zi në kuadrin e NATO-s, pas pyetjes retorike që bëri Carlson “përse duhet që djali im të shkojë në Mal të Zi për ta mbrojtur atë nga sulmi?” pyetje që e bënë çdo amerikan që nga lufta e Vietnamit, dhe nga ana tjetër vazhdon ti qëndroj besnik çdo urdhëri të Presidentit të SHBA.
Presidenti Trump thjeshtë tha: “Unë e kuptoj këtë, por kështu janë ndërtuar gjërat!”
Nëse media sorosiane e gjenë qoftë edhe një njeri në këtë glob që thotë se Presidenti Trump e ka për turp të thotë “JO” atëherë gjithë kjo furtunë e ngritur sot me Malin e Zi ka kuptim.
Ndryshe, ky është dialogu real Carlson-Trump, e për ata që e duan vetëm puro të vërtetën po u servirim edhe videon:
Carlson-Trump në Fox News.
Carlson: Përse duhet që djali im të shkojë në Mal të Zi për ta mbrojtur atë nga sulmi? Përse të jetë kështu?
Presidenti Trump: E kuptoj çfarë po thoni. Unë kam shtruar të njëjtën pyetje. Mali i Zi është një vend i vogël me njerëz shumë të fortë.
Carlson: Po. Unë nuk jam kundër Malit të Zi, ose Shqipërisë.
Trump: Jo, por meqë ra fjala, ata janë njerëz shumë të fortë. Ata kanë njerëz shumë agresivë. Ata mund të bëhen agresivë dhe… urime jemi pastaj në Luftën e Tretë Botërore. Unë e kuptoj këtë, por kështu janë ndërtuar gjërat
