Video/ Në Parlamentin e Edi Ramës, hajduti në pranga Ilir Beqaj, kërcënon deputetët e opozitës
Hakërrima e Ali Asllanit krahasuar me një përshkrim real të shtetit që aktualisht drejton Kryeministri Edi Rama, është poezi dashurie! Ndërsa liria që sot ka në Parlamentin e Shqipërisë edhe një hajdut i prangosur si Ilir Beqaj për të kërcënuar deputetët e opozitës, hedhë poshtë edhe komplimentet e fundit që jep shpurra sorosiste për SPAK-un dhe fut dhe gozhdat e fundit që i kishin mbetur pa i dhënë arkivolit të Reformës në Drejtësi!
Vjedhi paratë e shqiptarëve, madje edhe ato të taksapaguesve evropianë, u prangos, dhe, ashtu në pranga Ish-Ministri i Shëndetësisë, Ilir Beqaj, vjen në Parlament dhe kërcënon deputetët e opozitës në Komisionin Hetimor për Konçesionet në Shëndetësi pse nuk e mbrojnë këtë llum komunist siç bëjnë kolegët e tij në Komision, kolegë të cilët Kryeministri Edi Rama i përzgjodhi me pikatore nga më i ligu deri te spiuni më i ndyri!
Ç’lejoi Rama, ç’na pa Syri! Hunda e Ilir Beqjes ku nuk hyri: te i miri, te i ligu, te spiuni më i ndyri!
Dhe, ndonëse ishin minutat e para pas mesnatës dhe hajduti i prangosur Ilir Beqja po lëvizte lirshëm në ambientet e Parlamentit duke mos përfill si policët e burgut ashtu dhe gardën që po kujdesej për mbarëvajtjen e punimeve të Komisionit Hetimor për Konçesionet në Shëndetësi, hajduti me kollare i dha vetes të drejtën të kërcënoi deputetët e opozitës pse po pengonin idenë komuniste të Edi Ramës që të mos lejoi dëshminë e këtij hajduti në Komisionin Hetimor!
Edhe pas këtij veprimi kriminal të hajdutit të prangosur Ilir Beqaj, as Policia dhe as Garda nuk vepruan, madje Policia e Burgjeve refuzoi të largonte Ilir Beqjen për ta kthyer në burg, edhe pas urdhërit nga Kryetarja e Komisionit Hetimor.
Sot, ky veprim kriminal në Parlamentin e Shqipërisë i hajdutit në pranga Ilir Beqaj nuk është shqetësim vetëm i SPAK-ut dhe Drejtorisë së Burgjeve, por i gjithë popullit shqiptar!
Në veçanti të atyre që shpërfillën faktin me përbyzje se Ilir Beqaj kur u zgjodh ministër i Shëndetësisë dhe lejoi konçesionet edhe me procedurë kriminale, përveç se hajdut është i biri i instruktorit të KQ të PPSH dhe ndihmësit të Nexhmije Hoxhës, Hamitit!
Skandali në Parlament!
Një ngjarje e rëndë ka ndodhur në ambientet e Parlamentit në orët e para të mëngjesit, shprehet Partia Demokratike në reagimin e saj pas këtij skandali!
Ilir Beqaj, pas takimeve private me deputetët e PS, shëtit i lirë, hyn brutalisht në sallën ku po zhvillohej mbledhja e Komisionit Hetimor duke guxuar të kërcënojë deputetët e opozitës!!!
As Policia dhe as Garda nuk veprojnë!
Edhe pas këtij skandali, Policia e Burgjeve, refuzoi të largonte Ilir Beqen për ta kthyer në burg, edhe pas urdhërit nga Kryetarja e Komisionit. Në pritje të urdhërit të Plarent Ndrecës i cili tentoi të rifillonte mbledhjen e Komisionit.
Praktikisht, Parlamenti ka rënë!!! Është në duart e atyre që i japin leje dhe garanci Ilir Beqes të fusë mjete të forta, hunj e drunj në Parlament, të shëtisë i lirë në çdo ambjent, e të kërcënojë deputetët e opozitës.
E gjitha, që Edi Rama dhe Vilma Nushi të mos dëshmojnë para Komisionit Hetimor, thekson Partia Demokratike në reagimin e saj sot duke përfunduar:
Opozita nuk do të bëjë asnjë hap pas!! Do të bëjmë transparencë! Do të denoncojmë! As Rama e askush nuk do të gëzojë asnjë qindarkë të vjedhur nga paratë e shëndetësisë!
