Video/ Një ditë qeverisje e Ramës, vuajtje e 100 mijë familjeve, PD: Të kopjojë shpejt Planin me 5 pika!

Çdo ditë e (keq)qeverisjes së Edi Ramës është një ditë vuajtje për mbi 100 mijë familje, thekson Partia Demokratike duke reaguar përmes Drejtorit të fushatës, Alfred Rrushaj, dhe ndonëse tallej me programin e PD për lehtësimin e  biznesit të vogël ai i sugjeron Kryeministrit që të paktën të kopjojë shpejt dhe siç duhet Planin me 5 Pika i cili u prezantua nga Kryetari Lulzim Basha.

“Ky që shfaqet në video është një politikan pa ide, pa plan dhe pa vullnet për të ndihmuar realisht biznesin e vogël. Çdo ditë e (keq)qeverisjes së tij është një ditë vuajtje për mbi 100 mijë familje që mbahen me dyqanet e vogla dhe tregtinë,” shprehet Alfred Rushaj në reagimin e tij përmes rrjetit social Twitter duke e shoqëruar me një video ndërsa përfundon:

Ky që shfaqet në video është një politikan pa ide, pa plan dhe pa vullnet për të ndihmuar realisht biznesin e vogël. Çdo ditë e (keq)qeverisjes së tij është një ditë vuajtje për mbi 100 mijë familje që mbahen me dyqanet e vogla dhe tregtinë. pic.twitter.com/MYGvPRrz8P

— Alfred Rushaj (@AlfredRushaj) October 3, 2020

“Deri dje tallej me programin e PD për lehtësimin e  biznesit të vogël nga taksat dhe taksidarët. Në vend që t’i ulte taksat, i rriti çdo vit. Të paktën këtë herë të kopjojë shpejt dhe siç duhet.”