Video/ Paralajmërimi, Basha: Me Edi Ramën në qeveri, krimi dhe oligarkët pasurohen, biznesi i zakonshëm po falimenton

“Me Edi Ramën në qeveri, krimi dhe oligarkët pasurohen, biznesi i zakonshëm po falimenton.” Kështu reagon kryetari i Partisë Demokratike, Lulzim Basha pas publikimit të shifrave të fundit për muajin shtator ku janë 1.978 biznese që janë mbyllur nga 838 sa u mbyllën një vit më parë:

“Me Edi Ramën në qeveri, çdo vit është më keq për shumicën e bizneseve,” thekson Lulzim Basha duke ilustruar me grafik edhe periudhat 9 mujore 2017-2018.

Duke krahasuar me vitin e kaluar, falimentimi i bizneseve, sipas kreut të opozitës, gati është dyfishuar.

“Nga 6.969 biznese të mbyllura në periudhën gusht-shtator 2017, këtë vit për 9 muaj rezultojnë të mbyllur 11.292 biznese,” konstaton kryetari i Partisë Demokratike, Lulzim Basha  duke paralajmëruar:

“Sa më gjatë të qeverisë Edi Rama, aq më shumë biznese do të mbyllen!”