Video/ Parisi në flakë…

Përshkallëzohet situata në Paris dhe jo vetëm. Në Champs Elysee të gjitha makinave i është vënë flaka, policët janë munduar që me gaz lotsjellës të shpërndajnë turmat tashmë që kanë dalë jashtë kontrollit, por as plumbat e gomës dhe njësitet me kuaj që përdori policia, nuk arritën të zprapsin protestuesit që tashmë po i vënë flakën gjithçkaje që u del para.

Deri më tani janë arrestuar 700 persona ndërkohë që gjithë Francën vlerësohet se janë duke protestuar 30.000 mijë qytetarë, 8.000 prej të cilëve në Paris.

Fillimisht u raportua se policia është përleshur me grupin e protestuesve të njohur si “xhaketat e verdha”, duke përdorur edhe gaz lotsjellës ndaj atyre të cilët po marshonin drejt pallatit presidencial.

Rreth 89 mijë policë janë vendosur në mbarë vendin, për të parandaluar dhunën që ndodhin fundjavën e kaluar, ku 330 persona u lënduan gjatë protestave të dhunshme në Paris.

Qeveria e presidentit Emmanuel Macron ka paralajmëruar se protestat e reja të “xhaketave të verdha” në Paris sot, do të keqpërdoren nga turmat e “radikale dhe rebele”.

Protestat, që tashmë kanë hyrë në javën e tretë, kanë nisur pas vendimit të presidentit Macron, se do të rrisë taksat për karburante. Megjithatë, më 5 dhjetor, Macron ka njoftuar se ky vendim do të shfuqizohet.

Por, ky vendim i Macronit nuk i ka kënaqur protestuesit, të cilët kanë rritur kërkesat e tyre, përfshirë edhe uljen e taksave të tjera dhe rritjen e pagave