Video/ Parlamenti ashtu siç është shteti i Serbisë, RRUMPALLË!
Në Parlamentin e Serbisë sot u shkaktua një përleshje në mes të deputetëve të opozitës dhe atyre të mazhorancës, pasi deputetët Boshko Obradoviç dhe Ivan Kostiç u futën në seancë me pankarta antiqeveritare deri në foltoren e parlamentit.
Lideri i “Dveri”, Boshko Obradoviç dhe deputeti Ivan Kostiç u futën në salllë ndërkohë që po zhvillohej seanca plenare, duke shprehur pakënaqësi pse qeveria serbe nuk reagoi në miratimin e Ligjit për fenë në Mal të Zi.
Obradoviç mbante pankarta ku shkruhej “Millo hajn, nuk ti japim shenjtorët” dhe “Vuçiç-Gjukanoviç vëllezër binjak”, ndërsa Kostiç “Serbi, pse heshtë”.
Me këtë veprim të Obradoviçit është irrituar deputeti i SNS të Vuçiçit, Aleksandar Martinoviç si dhe ministri i Mbrojtjes, Aleksandar Vulin të cilët reaguan me fyerje dhe shtyrje të deputetëve nga vendi ku ata kishin ndaluar.
Gjithçka përshkallëzoi në përleshje ndërsa njëri prej deputetëve të regjimit i grisi pankartat.
Kryetarja e Parlamentit, Maja Gojkoviç bëri thirrje që të mos bien pre e provokimeve të Boshko Obradoviçit ndërsa ndërpreu seancën për 10 minuta. Më pas, seanca parlamentare vazhdoi normalisht.
Ndryshe, Parlamenti i Malit të Zi ka miratuar një projektligj për komunitetet fetare, i cili është kundërshtuar nga opozita serbe, duke ngritur shqetësimin se ky dokument mund t’i heqë Kishës Ortodokse Serbe të drejtën mbi pronësinë që ka.
Madje në momentin kur u miratua Ligji në orët e para të 27 Dhjetorit, deputetët opozitarë serb të Frontit Demokratik kanë tentuar ta parandalojnë këtë proces me protesta të dhunshme duke hedhur edhe bomba tymuese. Situatë e ngjashme ishte edhe para Parlamentit të Malit të Zi ku protestuesit serbë u përleshen me policinë malazeze duke mbështetur pretendimin e Kishës Ortodokse Serbe se ligji do t’i marrë manastiret dhe kishat serbe, pretendim të cilin Qeveria e ka mohuar.
Në kulmin e këtyre tensioneve, Kryeministri i Malit të Zi, Dushko Markoviç zhvilloi dje një takim me peshkopin, Amfilohije, i cili thotë se është në krye të Kishës Ortodokse Serbe që vepron ilegalisht në Mal të Zi, ku thuhet se Markoviç e ka sqaruar por në bazë të sjelljeve të ekstremistëve serbë edhe në Parlamentin e Serbisë, që nxiten dhe paguhen nga Kisha Serbe, është e qartë se garancitë që i janë dhënë Amfilohijes nga qeveria malazeze ai nuk i ka bërë publike për të mos ulur tensionet dhe urrejtjen ndaj Podgoricës zyrtare.
