Video për Video të Ramës, Basha: Faktet flasin vetë, ja çfarë thonë familjarët e të sëmurëve

Pas akuzave të Kryeministrit Edi Rama për denoncimet e opozitës lidhur me situatën e krijuar me COVID-19 duke e cilësuar dhe gënjeshtare ndërsa e shoqëroi me një video nga brenda spitalit “Sheqefqet Ndroqi” ka reaguar Kryetari i PD, Lulzim Basha, duke sjellë një video me familjarët e të sëmurëve:

“Ja çfarë thonë familjarët e të sëmurëve. Faktet flasin vetë dhe tregojnë të vërtetën ashtu siç është,” thekson Lulzim Basha duke ju përgjigjur Edi Ramës ndërsa përfundon:

“Pasi shkatërroi ekonominë, Rama e humbi kontrollin ndaj pandemisë dhe po shkatërron jetët dhe shëndetin e familjeve shqiptare.”

Ndryshe, sot Kryeministri Edi Rama tha se duan s’duan lehaqeniet e çakërdisura të opozitarizmit vulgar, agresiv, gënjeshtar, realiteti brenda spitaleve Covid është pa pikë dyshimi ai që keni parë këtu, ndërsa ftoi shqiptarët të shohin atë që nga spitali Covid 2, në Sanatoriumin e Tiranës, ju ofron syri kriminal i ERTV.