VIDEO/ Përplasje në Kuvend për Teatrin, Vokshi-Veliajt: Të nxjerr jashtë, je …

Teatri Kombëtar vijon të prodhojë përplasje politike mes pozitës dhe opozitës.

Partia Demokratike është rreshtuar në krah të aktorëve dhe artistëve që kundërshtojnë projektin e qeverisë, sipas të cilit godina aktuale shembet dhe ndërtohet një e re, por duke i bashkangjitur pas saj disa kulla shumëkatëshe.

Sot në Komisionin parlamentar për Edukimin dhe Mjetet e Informimit Publik, duhej të jepte shpjegime ministrja e Kulturës, Mirela Kumbaro. Por kjo e fundit ka ftuar edhe kryebashkiakun Erjon Veliaj, në një kohë që séance dëgjimore me këtë të fundit ishte përcaktuar për një tjetër ditë.

Kryetarja e Komisionit, Albana Vokshi tha se Veliaj ishte i paftuar sot në këtë seancë për të folur për çështjen e Teatrit Kombëtar.

“Se di pse ka frikë për shpjegimin e një projektligji që e ka përparësi për ta konsultuar dhe ndjekur mbarëvajtjen se gjithmonë Rama vendos t’ju çojë çift juve të dyve kudo që të shkoni. Ose s’keni aftësinë për të mbrotjur ose s’doni”, iu drejtua Vokshi Kumbaros.

Por Kryebashkiaku Veliaj ka marrë fjalën dhe e ka cilësuar sjelljen e deputetes si aktore, ndërsa Vokshi i tha se ai bën rolin e zhurmuesin.

“Nëse do të bësh aktoren, shko bëj audicion. Unë kam ardhur për respekt. Ju bëni zhurmuesin dhe të njëjtin gabim si me lodrat, si me Pazarin e Ri, ju bëni të njëjtat gabime dhe sot Tirana është më e suksesshme në të gjitha drejtimet”, tha Veliaj.

Ndërsa Vokshi i tha “bëj kujdes me gjuhën që përdor, mos bëj zhurmuesin, respekto rregulloren e Kuvendit”.

Debatet

Veliaj: Po bën teatër

veliaj me vokshin

Vokshi: S’e merrni dot fjalën pa ua dhënë une, ju bëni zhurmuesin atje

Veliaj: Sapo të thashë që nesër Sheshi Skënderbej eshtë për një cmim në Barcelonë

Vokshi: A mund ta mbyllni

Veliaj: Erdha sic më kërkuat

Vokshi: Mbyllni mikrofonin

Veliaj: Po gënjen

Vokshi: Mos u trego arrogant

Veliaj: Sic po bëni me aktorët dhe tratrin

Vokshi: Mos u bëni arrogant mund të qëndroni më lart se kaq

Veliaj: Ki dinjitetin të thuash të vërtetën nëse do të bësh aktoren shko bëj audicion

Vokshi: Ki kujdes me gjuhën që përdor se juve

Veliaj: Erdha për respekt, edhe ti i thua ik, keni frikë?

Vokshi: Ti duhet të zbatosh ligjin

Veliaj:E humbisni kauzën, shkoni me bisht në shalë dhe Tirana fiton

Vokshi: Jeni bërë për të ardhur keq. Unë mund t’ju nxjerr dhe jashtë ke ardhur i paftuar se nuk doni të keni ministren vetëm

Veliaj: Iku koha kur ju nxirrni jashtë. Nesër merr cmim Sheshi Skënderbej nuk mund të jem. Ti do qetësohesh dhe do kuptosh se cdo sulm që keni bërë…

Vokshi: Këtu drejtoj unë jo juve, mbyll mikrofonin

Veliaj: Shiko deputetët e PD të gjithë i ke për kafe te Pazari i Ri. Ke pasion të bësh aktore, dështove dhe ke sjellë teatrin në Parlament

Vokshi: Të dalin kamerat përjashta. Pesë minuta pushim. Ndërpritet mbledhja

Veliaj: Pse ke frikë nga e vërteta? Të ka marrë në qafë kryeministri ty, që të thotë Pamela

Vokshi: I thashe Gardes po Garda ka frike ta nxjerri jashte, cfare ti them une Gardes. (kerkon te nderprese mbledhjen sa te largohet Veliaj)