Video/ Policia e Vuçiçit arreston edhe fëmijë
Përleshje të rënda që u regjistruan në rrugët e Novi Sadit mbrëmjen e së enjtes ka shqetësuar seriozisht Presidnetin e Serbisë, Aleksandar Vuçiç, që u pa edhe nga reagimi i egër i policisë serbe për të shpëndarë protestuesit ku nuk u kursyen as fëmijët.
Para kësaj përleshje, tre zyra të Partisë Përparimtare Serbe, SNS, të Vuçiçit u shkatërruan plotësisht, prej nga mbështetësit e SNS-së qëlluan me fishekzjarre ndaj qytetarëve. Policia i nxori njerëzit nga zyrat e SNS-së, dhe arrestoi edhe ata qytetarë që nuk morën pjesë fare në protestë ose në sulmin ndaj kësaj partie.
Ndër të arrestuarit ishte dhe një i mitur, raporton Nova.rs.
Ovo na sninku je dete.
— KO JE UBIO Manekenku za 6XL (@saranoviceva) August 15, 2025
Ovo je naše dete.
Spremite se za večeras.
Odazovite se na poziv studenata.
Čekamo i vidimo se ❣️ pic.twitter.com/Fe88uWo2XQ
Siç shihet në video, një oficer policie i vë prangat një fëmije të cilin sapo e kishte zbritur nga biçikleta. Pranë tijë shihet një burrë me pranga në duar i shtrirë në asfalt.
Sipas qytetarëve në komente, oficerët e policisë ia hoqën bluzën djalit dhe po e marrin në pyetje
Videoja tregon gjithashtu se djali nuk ka veshur atlete.
Banorët e Novi Sadit thanë për Nova.rs se policia arrestoi edhe nxënës të shkollave të mesme dhe se kishte shumë të mitur. Sipas informacioneve jozyrtare, ata as nuk u morën në pyetje dhe u ndaluan për 48 orë.
Ndryshe, mbrëmë protesta u mbajtën në të gjithë Serbinë. Policia përdori vazhdimisht gaz lotsjellës për të shpërndarë protestuesit ndërsa Ministri i Brendshëm Ivica Daçiç tha se në protestat e Beogradit dh eNovi Sadit u arrestuan 114 persona, në mesin e tyre tre shtetas të huaj, nga Kroacia, Sllovenia dhe Italia.
“Çfarë po bën një qytetar kroat në një protestë dhe duke sulmuar xhandarmërinë? Imagjinoni sikur një turmë serbe nga këtu të shkonte në Zagreb dhe ta sulmonte policinë e tyre,” tha sot Daçiç duke shtuar se shtetasi slloven i ndaluar është me origjinë serbe dhe ka mbaruar studimet e inteligjencës në SHBA.
“Kaq për mungesën e përfshirjes së huaj,” tha Ministri i Brendshëm, Ivica Daçiç, duke raportuar për 75 oficerë policie të plagosur gjatë trazirave mbrëmjesn e së enjtes ndërsa janë ngritur 34 kallëzime penale.
Ndërkohë, përveç publikimit të videos me arrestimin e të miturit nga policia serbe, mesazhi i protestuesve ishte i qartë:
Ky në video është fëmijë.
Ky është fëmija jonë.
Bëhuni gati për sonte.
Përgjigjuni në thirrjen e studentëve.
Ju presim, shihemi!
