Video/ Prishtinë, kamioni përplas 9 makina…
Sot rreth orës 13:00 në qendër të Prishtinë ka ndodhur një aksident i rëndë ku një kamion ka përplasur 9 makina duke lënë të plagosur tre persona.
Ngjarja ka ndodhur në rrugën “Agim Ramadani” në Prishtinë kur kamioni i kompanisë “Pastrimi” ka humbur kontrollin dhe ka dalë në anën e kundërt duke përplasur 9 makina pasi nuk arriti të frenojë.
Policia e Kosovës duke konfirmuar aksidentin në rrugën “Agim Ramadani” ku një kamion i kompanisë “Pastrimi” ka goditur nëntë makina ku janë lënduar tre persona.
“Në këtë aksident kanë qenë të përfshira 9 vetura dhe një kamion. Si pasojë e aksidentit deri tani ndihmë mjekësore u është ofruar tre personave. Me rastin po merren njësitet përkatëse”, thuhet në njoftimin e Policisë ndërkohë transmetohen edhe pamjet e para të aksidentit
Ndërkohë janë transmetuar edhe pamjet të cilat janë marrë nga Hoteli “La Corte”, te Sllovenia Sport në Prishtinë.
Ndërsa Kryetari i papërgjegjshë i Prishtinës, Shpend Ahmeti, i cili deri më sot nuk ka reaguar në vërejtjet për punën e kompanisës “Pastrimi”, pas aksidentit ishte i kënaqur se dy personat që kishin marrë lëndime, nuk janë në gjendje të rëndë.
“Para pak çastesh ka ndodhur një aksident trafiku në qendër të qytetit në rrugën Agim Ramadani kur një kamion është përplasur me disa vetura. Ekipet e policisë janë në vendin e ngjarjes, ndërsa menjëherë kanë intervenuar edhe dy ekipe të Urgjencës së Komunës tonë dhe për fat të mirë lëndimet nuk janë të rënda. Raportohet për dy persona të lënduar. Besoj se do të zbardhen të gjitha detajet në ditët në vijim,” tha Ahmeti.
