Video/ Putin: Sulm terrorist i përgjakshëm dhe barbar!
Duke dënuar ashpër sulmin e së premtes në një sallë koncertesh në rajonin e Moskës ku mbetën të vrarë të paktën 133 persona, Presidenti i Rusisë, Vladimir Putin, e shpalli 24 marsin ditë zie kombëtare ndërsa u zotua se autorët e sulmit do të ndëshkohen.
Vladimit Putin, sulmin e cilësoi të përgjakshëm dhe barbar ndërsa shtoi se terroristëtu nisëndrejt Ukrainës, ku sipas tij u ishte përgatitur një “dalje”, raporton Ria novosti.
“Si dikur nazistët, menduan që të kryejnë shfarosje demonstrative. Të gjithë autorët, organizatorët dhe porositësit do të ndëshkohen, kush do që janë. Do ta dënojmë secilin që qëndron pas terroristëve, i cili ka përgatitur sulmin ndaj Rusisë dhe popullit tonë,” tha Putin pa dhënë ndonjë fakt ndonëse kur Departamenti amerikan i Shtetit deklaroi se Ukraina nuk qëndron pas këtij sulmi, Ministria e Jashtme e Rusisë reagoi menjëherë përmes zëdhëneses Zakharova duke i kërkuar faktet!
Deri më tani përgjegjësinë për sulmin e ka marrë grupi ekstremist Shteti Islamik, por Zakharova as këtij “shteti” dhe Presidentit të saj Putin nuk i kërkoi fakte siç bëri me Washingtonin!
⚡️Full video of Putin’s address to Russians in connection with the terrorist attack in Crocus City Hall pic.twitter.com/wStel37Gna
— War Monitor (@WarMonitors) March 23, 2024
“Tani është e rëndësishme që të parandalojmë ata që janë mbrapa kësaj gjakderdhjeje nga kryerja e një krimi tjetër,” tha Presidenti i Rusisë duke garantuar se do të marrin ndihmën të gjithë ata që e kanë të domosdoshme, ndërsa të dielën e 24 marsit e shpalli ditë zie.
Zyrtarët rusë thanë se 11 persona janë ndaluar, përfshirë katër sulmuesit e dyshuar. Disa prej tyre janë arrestuar në rajonin perëndimor Brajansk, i cili gjendet në kufirin mes Bjellorusisë dhe Ukrainës.
Zyrtarët ukrainas e kanë mohuar çfarëdo përfshirjeje me sulmin, raporton RFE, edhe para se zyrtarët rusë të supozonin për lidhje ukrainase.
Ndryshe, aktualisht raportohet për 133 të vdekur por Komiteti Hetues në Rusi pret që të rritet numri i viktimave.
