VIDEO/ Rama pritet me protesta në Belsh, flet për agroturizmin

Kryeministri Edi Rama ka qenë sot në një takim në Belsh, në kuadër të turit të llogaridhënies me qytetarët.

Pasi kanë folur disa deputetë dhe zv. ministra, Rama ka prezantuar disa nga projektet për këtë qytet, për ta transformuar.

Rama theksoi se zhvillimi i agroturizmit do ta transformojë tërësisht zonën. Por nga ana tjetër kryeministri Rama është pritur me protesta në Belsh siç u prit edhe në Elbasan e Cërrik.

“Agroturizmi do ta transformojë tërësisht zonën. Kjo është një e ardhur që krijohet nga mikpritja ku bukuria e zonës ka një fuqi tërheqëse të bukurisë. Më vjen mirë që është zgjidhur problemi i lidhjes me rrugë, me Cërrikun, me urën Vajgurore, e cila i ndihmon banorët për të dalë më shpejt në treg.

Do marrim një masë edhe për biznesin e vogël, futja e TVSh për ata nuk ka sjellë rritje por për të gjithë ata që kalojnë pragun e xhiros 80% do kalojnë në biznesin e madh. Bizneset e vogla që janë afër pragut të mos gënjejnë duke fshehur të ardhurat e tyre. Kemi dhe një program ndërhyrjesh në qendrat shëndetësore, pasi ka shumë qendra që kanë nevojë për transformim.

Një problem i vjetër i Belshit është furnizimi me ujë të pijshëm, ku furnizimi është i kufizuar. Ajo që është e rëndësishme , është se kjo është një zonë paguan rregullisht ujin. Kështu që do fillojmë një ndërhyrje për të zgjidhur këtë problem”, tha Rama.