Video/ Ramush Haradinaj: Albin Kurti është hajn dhe mashtrues ordiner!
Sot e quan anarkist të kuq por dje Ramush Haradinaj luftonte pikërisht me Albin Kurtin për të marrë pushtetin nga PDK dhe LDK, Por kryeministri i Kosovës, Ramush Haradinaj sot gjatë një interviste në TV21 nuk u mjaftua me kaq.
“Disa që po e mbrojnë ligjin si rasti i Albinit i cili se ka hup asnjë shancë për me e ofendu rendin dhe ligjin, ai nuk ka respektu gjykatë e lëre më prokurorë dhe tash po e mbron një prokuror i cili i ka dhënë një goditje sistemit të cilin Albini po e mbron e të cilin e ka refuzu,” tha Haradinaj duke theksuar se është ai i cili në Kosovë që nga viti 1999 i ka dhënë mundësi ligjit vendorë dhe ndërkombëtarë, dhe e kundërta e kësaj, është Albin Kurti.
“Albini është hajn, ai është një mashtrues, ai është një ordiner, ai i ka mashtru njerëzit e vet deri sa e kanë marrë vesh dhe sot sjon me to. Nuk mundet një njeri si ai dhe disa njerëz që po dalin në rrugë me ndal Kosovën , mund të kenë edhe agjenda tjera”, tha Haradinaj
Ky tërbim i kryeministrit të Kosovës Ramush Haradinaj vjen pasi edhe prokurorin e dorëhequr Elez Blakaj e quajti “hajn”, dhe kryetari i Lëvizjes Vetëvendosje, Albin Kurti, reagoi duke theksuar se me këto komente Blakajt ia kishte kontenstuar qenien e një qytetari.
