VIDEO/ Raporti i DASH, Rama nuk kursen batutat:  Monika rri me çizme në dorë, Titi të gjuan nga këmbët

Kryeministri Edi Rama akuzoi opozitën lidhur me raportin më të fundit të Departamentit amerikan të Shtetit. Nga salla e Kuvendit, Rama tha se pot ë jetë për opozitën socialistët rrinë në pushtet edhe 1 mijë vjet.

“Ne kemi marrë përsipër të qeverisim me njërëzit dhe për njerëzit. Për të qeverisur në koalicion me njerëzit dhe fushata e llogaridhënies është e rëndësishme sepse ne duhet të jemi drejtpërdrejtë, sy më sy në komunikimin me njerëzit pa lejuar që këtë komunikim ta zotërojnë agjentët e mjerimit.

Të gjitha ata që me mandat politik apo kanale mediatike bëjnë deformimin, shtrembërimin dhe manipulimin e të vërtetave tona.  Është bërë e udhës tani që raportet e DASH ti dëgjojmë nga simotra jonë e humbur në drejtim të paditur LSI.

Kemi dhe shokun tonë Luanin e LSI që të dalë e të na informojë cfarë thotë DASH për ne, por nuk ka qenë e largët dita kur raportet e BE kishin në faqet e tyre emra dhe mbiemra, jo fenomene. Kryetari vulëhumur i kësaj opozite ka qenë me emër dhe mbiemër në raportin e progresit, jo si hero, por si pengesë, një tjetër kryetar i simotrës të simotrës së simotrës ka qenë po ashtu me emër e mbiemër, jo si dëshmor i progresit, por si pengesë e progresit. Ndërkohë që sot kemi një raport progresi, që nuk është i radhës, por dokument që mbështet hapjen e negociatave të Shqipërisë pa kushte”,  tha Rama.

Ai sulmoi me emra deputetet e LSI-së, Petrit Vasili e Luan Rama.

“Këta nuk janë për gol, por kur u vjen topi na gjuajnë nga këmbët. Titi dhe Luani nuk kanë lidhje me zonën e rreptësisë, mund të marrësh seriozisht Titin? Si ta marr, bëj përpjekje se e kam gjysmë patriot, ca të bëj, megjithatë. Në zonën e rreptësisë është Monika me çizme në dorë për ti gjuajtur arbitrit”, ishin disa nga batutat e Ramës.