Video/ Reshjet e borës, ARRSH: Ja rrugët ku kalohet vetëm me zinxhir…

Pas reshjeve të borës gjatë natës në gjithë vendin, Autoriteti Rrugor Shqiptar, ARRSH, jep informacionin e parë se cila është gjendja e rrugëve në vend dhe masat që janë marrë.

“Në të gjitha akset kryesore të vendit që ka pasur reshje bore janë marrë të gjitha masat e nevojshme nga kontraktorët dhe është bërë kriposja dhe pastrimi i rrugës nga bora, “ thekson ARRSH duke rekomanduar kalimin me zinxhir në këto rrugë:

-Qarku i Korçës: Boboshticë-Dardhë, Korçë Voskopojë, Korçë-Ersekë, Liqenas-Doganë Goricë;

-Qarku i Kukësit: Lusen-Domej; 

-Qarku i Dibrës: Ura e Cerenecit-Stebleve;

-Qarku I Elbasanit: Librazhd-Stebleve;

-Qarku i Tiranës: Qafë Priskë-Qafë Mollë;

Autoriteti Rrugor Shqiptar bënë me dije se në reshje bore ka pasur në Qarqet Kukës, Dibër dhe Shkodër ndërsa në akset e Tropojës ka reshje të dobëta bore.

Në akset e Dibrës, Kuben-Vasie, vazhdon puna për pastrimin dhe kriposjen ashtu si edhe në aksin Ura e Cerenecit-Stebleve ku bora arrin trashësinë 15 cm.

Në akset e Kukësit, Kukës-Bushtricë, Kukës-Ura e Zapodit, po punohet për pastrim dhe kriposje. Qarkullimi kryhet pa probleme.

Në segmentit rrugor Pukë – Fushë Arrëz tani, Rruga është e pastruar dhe pa probleme. Nuk ka reshje bore për momentin.

Në Rajonin Qendror Tiranë. Në akset e dajtit ka reshje të pakta bore dhe prezencë akulli. 

Në aksin Librazhd-Stebleve, në segmentin fundor të tij në Lunik – Stebleve, ka rresh 15 cm borë. Qarkullimi rekomandohet me zinxhirë.

Në Rajonin Jugor Gjirokastër: reshejt e rëna gjatë natës, kanë bërë që edhe pas punës së kontraktorëve për pastrimin dhe kriposje, akset e Qarkut të Korçës të qarkullohen me zinxhirë.

Përdoruesit e rrugës të tregohen të kujdesshëm, të respektojnë udhëzimet e Policisë së Qarkullimit Rrugor, të respektojnë sinjalistikën rrugore, të lëvizin me shpejtësi të reduktuar, të përdorin gomat e dimrit dhe zinxhirë në rrugët për të cilat njoftuam që qarkullimi kryhet me zinxhirë, thekson në fund Autoriteti Rrugor Shqiptar.