Video/ Rrëzohet një avion luftarak F-16 në Kaliforni

Një Avion luftarak F-16 është rrëzuar në një depo në afërsi të Bazës ajrore March Air Reserve Base në Perris të Kalifornisë, raporton CNN.

Piloti ka arrit ta braktis avionin pak para momentit të fatkeqësisë, tha kapteni Perry Covington.

“Ai u transportua në spital dhe u konstatua se nuk ka lëndime serioze,“ tha zëdhënësi i Bazës, Reggie Varner duke shtuar se bëhej fjalë për një prishje në sistemin hidraulik.

“Shqetësimi kryesor janë punëtorët“

Drejtori i Përgjithshëm i kompanisë See Water, Mike Johnson, që shfrytëzon këtë depo, konfirmoi se të gjithë punëtorët e kësaj depoje janë në vend të sigurt dhe nuk ka të lënduar.

“Fal Zotit, të gjithë janë në vend të sigurt, gjallë dhe shëndoshë e mirë,” tha Johnson për CNN. “Duhet të konfirmojmë se cili është dëmi në depo, por për momentin shqetësimi ynë kryesor janë të punëtorët dhe familjet e tyre.”