Video/ Rumani, protesta vazhdon, bie Reforma në drejtësi. BE kërkon rishqyrtimin e saj…

Komisionerja evropiane për Drejtësi, Vera Jourova i ka bërë thirrje qeverisë

që të rishqyrton sistemin më të ri gjyqësor i cili ka shkaktuar protesta të mëdha në këtë vend, bënë të ditur Agjencia gjermane e lajmeve, DPA.

Protestuesit konsiderojnë se reforma kontroverse e drejtësisë në këtë vend është menduar që të shkoj në duart e interesave të politikanëve të korruptuar. Shembull, kur të miratohet ligji, ai do të dekriminalizoj disa forma të shantazhit të politikanëve.

Reforma e re e drejtësisë kërcënon pavarësinë e gjyqtarëve, pushtetin e kufizuar të prokurorëve dhe rrënon besimin e opinionit tek sistemi i drejtësisë, tha sot Jourova për të përditshmen gjermane Die Welt.

Ishte e dobishme për qeverinë në Bukuresht që përsëri të rishqyrtoj planet e saj, theksoj Jourova.

Koalicioni rumun i qeverisjes ka miratuar ligjet që kufizojnë pushtetin e Agjencisë antikorrupsion, DNA, dhe mundësoi shkarkimin e kryesueses tashmë të famshme të kësaj Agjencie, Laura Kovesi.

Kovesi dhe Agjencia e saj antikorrupsion janë mirëpritur në skenën ndërkombëtare si faktorët kyç në luftën kundër korrupsionit në Rumani.

Protestat kundër qeverisë

Qindra mijëra rumun kanë dal dje për të tretën ditë me radhë nëpër rrugët e Bukureshtit duke protestuar kundër qeverisë dhe janë shpërndarë me dhunë nga policia ku dhe u plagosën qindra persona.

Protestuesit kërkojnë dorëheqjen e qeverisë socialdemokrate të Viorica Dancil, të cilën e akuzojnë për korrupsion dhe qëllimet për të vënë nën kontroll sistemin e drejtësisë.

Në Rumani, përgjatë dy viteve të fundit rregullisht janë organizuar protesta, e kulmi arriti në muajin shkurt të vitit 2017 kur u mblodhën 500 mijë protestues dhe nuk u shënua asnjë incdient.

Pas rikthimit në pushtet në vitin 2016, PSD inicoi reformën e madhe në drejtësi e cila kërcënon pavarësinë e gjyqtarëve dhe u mundëson zyrtarëve politik që ti ikin  përgjegjësisë para ligjit, theksojnë kritikët e kësaj reforme.