VIDEO/ Salianji publikon dokumentin, ja çfarë thonin të ndaluarit e 3.4 milionë eurove në port…

Deputeti democrat Ervin Salianji ka publikuar në Komisionin parlamentar të Çështjeve Sociale dhe Shëndetësisë, një dokument mbi të ndaluarit nga policia, lidhur me shumën prej 3.4 milionë euro që u bllokua në portin e Durrësit.

Salianji tha se një prej të ndaluarve shkruante “policia është me ne”, ndërsa tjetri rezulton i dënuar për dhunë në familje.

Debati

Salianji:Dua të krijohen kushtet në këtë komision që të na dëgjojnë qyetatrët. Ndryshe merrni pushim dhe qetësohuni. Po ju them që ky ligj është i rëndësishëm; në Shqipëri pa dyshim ka pasoja të mëdha nga dhuna në familje dhe vrasje por ne të gjithë kolegët po i themi të gjitha këto se shkaqet nuk janë vetëm prodhimi i ligjeve. Sepse ligjet i bëjmë me nxitim ne, ngrini dorën ju, ikim, mbaroi. Ja ju duk sikur fituat ndonjë gjë, ne sikur bëmë ndonjë sherr me ju kot, kur kërkojmë fjalën…Se ne fjalën po kërkojmë. Të lutem mos kërko, se po flas.

Deputetja e PS: Jo, nuk ka sherr këtu. Ka votim ligji.

Salianji: Ta përfundoj

Deputetja e PS: Nuk ka për të të lënë njeri të bësh sherr këtu, të jesh i qartë.

Salianji: Ok, jam shumë i qartë. Për ju kam një dokument nga Italia, por nuk e nxjerr sot. Për ju zonjë, kam një dokument nga Italia po do ta nxjerr një ditë tjetër.

(Ilaritet në sallë)

Salianji: E kam një dokument për ju personalisht, po më ler të përfundoj fjalën që të mos merrem me atë që ke hall ti. E di shumë mirë se çfarë halli ke. Këtu në këtë vend shkak është zbatimi i ligjit dhe disa njerëz këtu që tentojnë të na presin fjalën ne.