VIDEO/ Senegali mund Poloninë, ja përballjet e ardhshme

Tri pikë domethënëse për kombëtaren e Senegalit! Polonia nuk ishte në formën e saj dhe pësoi humbje me rezultatin 2:1 nga Senegali, në ndeshjen e parë të grupit H të Kampionatit Botëror – “Rusia 2018”.

Polakët me gjithëse patën me shumë posedimin e topit, nuk ishin energjikë në repartin e sulmit. Senegalezët dhuruan lojë të mirë dhe nuk falen gabimet e polakëve. Futbollistët në të dyja pjesët dëshmuan lojë të mirë, megjithatë senegalezët ishin më konkret në finalizimin e rasteve. Deri në minutën e 38-të nuk u pa ndonjë rast i mirë, por gjithçka ndryshoi në këtë minutë.

Futbollisti Gueye godet nga rreth 18 metra por Rangel Cionek ia ndërron kahjen topin dhe shënon autogol, duke lënë të hutuar portierin Szczesny, 0:1.

Në pjesën e dytë pritej një Poloni me agresive në vijën e sulmit, por nuk ndodhi. Megjithatë, Robert Lewandowski gati sa shënoi në minutën e 50-të, por gjuajtja e lirë e tij nga rreth 20 metra u ndalë me mund të madh nga portieri N’Diaye, duke e grushtuar topin në korne. Pas gjashtë minutave (56’) Piszczek lëshoi një mundësi të artë për të barazuar rezultatin, i cili nuk e goditi si duhet topin.

Polakët me gabimet e tyre pësuan edhe golin tjetër dhe që ishte shkatërrues për ta. Në minutën e 61-të, Krychowiak tentoj nga gjysma e fushës ta kthej topin pas, por ky ishte një gabim i pafalshëm i tij, kur M’Baye Niang merr topin, duke kaluar edhe portierin Szczesny dhe pa vështirësi shënon duke thelluar epërsinë në 2:0.

Në fakt, në minutën e 70-të, Arkadiusz Milik nuk reagon si duhet, duke dështuar nga një pozite ideale, për të ngushtuar rezultatin.

Në minutën e 86-të, Grzegorz Krychowiak me kokë shënon gol të bukur dhe ngushton humbjen në 1:2. Në minutat e fundit, polakët me gjithë angazhimin e madh nuk arritën të barazojnë rezultatin dhe të dalin me një pikë të madhe. Senegalezët arkëtuan tri pikë të mëdha dhe në anën tjetër heshtin polakët.

Polonia-Senegali 1:2

Stadiumi “Otkrytiye Arena”, Moskë.

Gjyqtar: N. Shukralla (Bahreini).

Shënues: Krychowiak (86’) – Cionek (38’ – autogol), Niang (61’).

Kartonat e verdhë: Krychowiak – Sane, Gueye.

Polonia: Szczesny, Piszczek (Bereszynski 83’), Pazdan, Cionek, Rybus, Krychowiak, Zielinski, Blaszczykowski (Bednarek 46’), Milik (Kownacki 73’), Grosicki dhe Lewandowski.

Senegali: N’Diaye, Wague, Sane, Koulibaly, Sabaly, Sarr, A N’Diaye (Kouyate 87’, Gueye, Niang (Konate 75’), Mane dhe Diouf (N’Doye 62’).

Grupi H

Kolumbia-Japonia 1:2

Polonia-Senegali 1:2

Tabela

1. Senegal 1 1 0 0 3

2. Japonia 1 1 0 0 3

3. Polonia 1 0 0 1 0

4. Kolumbia 1 0 0 1 0

Me 24 qershor do të takohen: Japonia – Senegali (17.00) e Polonia- Kolumbia (20.00).