VIDEO/ Serbi, për 10 minuta, përmbytje, breshër, borë, kaos…

Gjithçka u zhvillua për dhjetë minuta. Përmbytja, breshëri, bora dhe  akulli duke lënë mbrapa një kaos, ku qytetarët e Serbisë perëndimore u detyruan me lopata të heqin, përveç të tjerash edhe borën dhe akullin e mbetur nëpër rrugët e qytetit.

Užice pic.twitter.com/87We5xozmA

— Fadil Jonuz (@Fadil_Jonuz) June 13, 2018

Qyteti më i goditur ishte Uzhica. Fillimisht u përmbytën të gjitha rrugët, makinat mbetën nën ujë…

Stuhia e cila filloi pas ores 15:00 dhe nuk zgjati më shumë se dhjetë minuta u shoqërua me reshje të mëdha shiu, shkreptima të fuqishme, breshër sa kokrra e lajthisë dhe me qetësimin e motit ngeli pamja apokaliptike, si në epokën e akullt.

Rreth 20 centimetra borë në mes të muajit qershor filloi të largohet nga rrugët e qytetit me lopata ndërsa qytetarët mbetën të tronditur nga ajo që panë brenda këtij 10 minutshi apokaliptik që la mbrapa një kaos…

Ndryshe, meteorologët serb kishin paralajmëruar stuhi dhe reshje deri në 20 litra/metër katrorë, por spektakli i natyrës në këto dhjetë minuta, në perëndim të Serbisë, tejkaloi të gjitha parashikimet.