Video/ Shëndetësia falas e Edi Ramës, PD: Qytetarët blejnë ushqim, respiratorë…

Pandemia nga COVID ka shfaqur para syve të të gjithëve sa e mjeruar është gjendja në spitalet tona, sa i madh është dështimi i Edi Ramës, sa e rrezikshme është kjo qeveri për shqiptarët, thekson Partia Demokratike në reagimin e saj përmes Ish-Deputetes Orjola Pampuri duke sjellë dhe dëshmitë e qytetarëve të cilët pasqyrojnë kontrastin e madh mes propagandës së qeverisë dhe realitetit ku ata detyrohen të blejnë vetë nga ushqimi i përditshëm deri tek respiratorët.

“Kryeministri dhe Ministrja e Shëndetësisë flasin për spitale si në Zvicër, por qytetarët në hall në dyert e spitaleve tregojnë të vërtetën e dështimit të “shëndetësisë falas”. Ata blejnë vetë nga ushqimi i përditshëm deri tek respiratorët,” thekson Ish-Deputetja e Partisë Demokratike, Orjola Pampuri duke sjellë në vëmendje të dhënat e fundit ku Shqipërinë e renditin të fundit për nga numri i testimeve për 1 milion banorë ndërsa përfundon:

“Shqipëria është ndër 4 vendet e para për vdekjet ditore dhe një nga vendet me numrin më të lartë të përhapjes së rasteve të reja. “