Video/ Shëndetësia në kolaps, Basha: Prioritet i Edi Ramës, tenderat sekretë dhe koncensionet korruptive!

Papërgjegjshmëria kriminale e Edi Ramës, ka çuar në kolaps shëndetësinë duke lënë shqiptarët në mëshirë të fatit, thekson Kryetari i Partisë Demokratike, Lulzim Basha, pas deklaratës së Kryeministrit për Shëndetësinë, duke shtuar se prioritet i Edi Ramës ishin dhe mbeten tenderat sekretë dhe koncensionet korruptive.

“Zgjidhja emergjente është rritja e numrit të testimeve, rimbursimi i plotë për marrjen e mjekimit ambulator kundër COVID-19, mbështetja financiare e mjekëve dhe infermierëve dhe shtimi i numrit të tyre,” tha Kryetari i Partisë Demokratike, Lulzim Basha, në reagimin e tij përmes rrjetit social Facebook ndërsa e shoqëron me një video duke e bërë të qartë se çdo lek duhet të shkojë për shqiptarët dhe jo në xhepat e pushtetarëve.

Ndryshe, Kryeministri Edi Rama ndërsa prezantoi Task Forcën për shëndetin, që do të jetë në terren për të inspektuar masat Covid, tha se ata do të jenë ëngjëjt mbrojtës të njerëzve, që kanë për qëllim vetëm të monitorojnë e jo të gjobisin. Por, që të arsyetoj faktin pse quhet Edi Rama foli për dhe rivalët e tij politik, Basha-Meta:

“Janë bërë si Loli me Colin e thotë: Kapacitetet në spitale janë ezauruar, s’ka vend, njerëzit po lihen rrugëve, ca janë këto? Këto janë skandale morale të pagëlltitshme sepse faktikisht sot ne jemi absolutisht të përgatitur për më të keqen, por duhet ta mbajmë larg. Sot kemi ende ¼ e kapaciteteve, nëse nuk bëjmë secili tonën mund të mbushen edhe më shpejt spitalet. Ky është çelësi që duhet të mbajmë në dorë, pa na e marrë armiku i padukshëm,” tha Edi Rama duke u mburrur dhe si i bindur:

Edhe trajtimin me plazma e sollëm sa doli në Itali dhe flasin këta se Zoti e desh Shqipërinë dhe Covid nuk erdhi në kohën e këtyre, me spitalet e këtyre, Atëherë do thoshim nuk dimë kush është e keqja më e madhe, covid apo këta. Nuk jemi vetëm në këtë luftë as të vetmit, por një nga hallkat e një zinxhiri shumë të gjatë shtetesh.”

Reagimi:

Papërgjegjshmëria kriminale e Edi Ramës, ka çuar në kolaps shëndetësinë, ka dëbuar mjekët, ka lënë shqiptarët në mëshirë të fatit.

Zgjidhja emergjente është rritja e numrit të testimeve, rimbursimi i plotë për marrjen e mjekimit ambulator kundër COVID-19, mbështetja financiare e mjekëve dhe infermierëve dhe shtimi i numrit të tyre.

Çdo lek duhet të shkojë për shqiptarët dhe jo në xhepat e pushtetarëve.