Video/ Shëngjin, arrestohet kosovari me 528 kg mish të dyshimtë
Arrestohet në Shëngjin, 55 vjeçari A. Ç. banues në Kosovë, duke tregtuar produkte mishi në mënyrë të kundraligjshme dhe jashtë kushteve të sigurisë ushqimore, bënë të ditur policia e Lezhës.
Në bashkëpunim me AKU Tiranë, efektivët e Seksionit për hetimin e krimit ekonomik – financiar në Drejtorinë Vendore të Policisë Lezhë, në bashkëpunim me Prokurorinë e Rrethit Gjyqësor Lezhë, pas një pune të mirëfilltë hetimore duke ndjekur me metoda proaktive, finalizuan operacionin ” Rotten meat”, duke sekuestruar 528 kg produkte mishi, të prodhuara jashtë kushteve të sigurisë ushqimore, dhe u bllokua punishtja ku prodhohej.
Shtetasi A. Ç, 55 vjeç, banues Kosovë, është kapur në qytetin e Shëngjinit, me mjetin e tij, duke tregtuar në disa lokale këtë sasi mishi, të prodhuar jashtë kushteve të sigurisë ushqimore dhe pa faturë tatimore
Hetimet për dokumentimin e plotë të këtij aktiviteti kriminal vazhdojnë për të gjithë subjektet tregtarë dhe personat e përfshirë.
Materialet proçedurale i kaluan Prokurorisë së Rrethit Gjyqësor Lezhë, për veprime të mëtejshme.
Ja njoftimi i plotë i policisë:
Finalizohet operacioni i ndjekur me metoda proaktive “Rotten meat”
Tregtonte në Shëngjin, në mënyrë të kundraligjshme jashtë kushteve të sigurisë ushqimore, duke rrezikuar shëndetin e konsumatorëve, arrestohet në flagrancë një shtetas
Sekuestrohen 528 kg produkte mishi, të prodhuara jashtë kushteve të sigurisë ushqimore, si dhe në bashkëpunim me AKU Tiranë, u bllokua punishtja ku prodhohej.
Nga efektivët e Seksionit për hetimin e krimit ekonomik – financiar në Drejtorinë Vendore të Policisë Lezhë, në bashkëpunim me Prokurorinë e Rrethit Gjyqësor Lezhë, pas një pune të mirëfilltë hetimore ndjekur me metoda proaktive, u finalizua operacioni ” Rotten meat”.
Si rezultat i tij, u arrestua në flagrancë shtetasi A. Ç, 55 vjeç, banues Kosovë.
Ky shtetas, në qytetin e Shëngjinit, me mjetin e tij, është kapur duke tregtuar në disa lokale një sasi prej 528 kg produkte mishi, të prodhuara në mënyrë të kundraligjshme në një ambient në Tiranë jashtë kushteve të sigurisë ushqimore, duke rrezikuar shëndetin e konsumatorëve, produkt të cilin, ia shiste restoranteve dhe ” Fast Food-ve” në Shëngjin, si dhe pa faturë tatimore , duke fshehur të ardhurat.
Vazhdojnë hetimet për dokumentimin e plotë të këtij aktiviteti kriminal, për të gjithë subjektet tregtarë dhe personat e përfshirë.
Veprat penale në ngarkim të tij ” Fshehja e të ardhurave” “Prodhim dhe shitja e ushqimeve e lëndëve të tjera të rrezikshme për shëndetin” Manipulimi i tregut” dhe ” Punësim i paligjshëm” parashikuar nga nenet 180/1, 288, 143/a/1 dhe 170/a të Kodit Penal.
Materialet proçedurale i kaluan Prokurorisë së Rrethit Gjyqësor Lezhë, për veprime të mëtejshme.
