Video/ “Shkarkimi i Presidentit”, Spiropali: Kujton austriaku se u bë qiameti…
Ndonëse Kryeministri Edi Rama përmes një Memoje ishte kujdesur të fus në binarë servilët e tij kur të dalin në foltoren e Parlamentit të Shqipërisë për të nxirë figurën e Presidentit të Republikës pas Dekretit për anulimin e datës së zgjedhjeve, Ministrja për Marrëdhënien me Parlamentin, Elisa Spiropali, jo vetëm që nuk e respektoi këtë Memo, por ajo e zbuloi se më nuk vazhdon të jetë e bindur se në krye të Qeverisë është Skenderbeu.
Vetëm pas firmosjes së Dekretit, Spiropali mendon se Ilir Meta na qenka si Haxhi Qamili, gjë që ai është i tillë që nga dita që shkeli në PS.
Dhe jo vetëm kaq! Nuk është e qartë pse Spirpali i uli “spaletat kombëtare” Edi Ramës duke e krahasuar me Princ Vidin, dhe pa dashje e pranon se Shqipëria është në kaos si në vitin 1914 siç e thotë Iliri Meta, dhe nuk kemi të bëjmë me vitin e madh të reformave, 2019, siç e proklamon Kryeministri.
Gjithsesi, jehona e këtij Dekreti të Presidentit e përshkruar me gojën e Elisa Spirpolait është interesante:
“Krisi pushka e gjëmoi moti
Kujton austriaku se u bë qiameti…”
Elisa Spiropali: Akti i Ilir Metës është një atentat i pastër kushtetues që sulmon Republikën ku cenon rëndë të drejtën e zgjedhjes së shtetasve. Këta janë mësuar të bëjnë me Kushtetutën, ligjin dhe shqiptarët s’i kanë dashur. Më 30 qershor do të përballen me murin e lartë të ligjit ku do të thyejnë hundët.
Ilir Meta shkeli parimin e unitetit kombëtar. Me vendimin e tij, Ilir Meta dëshmoi se mund të nxjerrësh Presidentin nga kulla e LSI-së, por nuk mund të shkulësh LSI-në nga zyrat më të larta të shtetit. Shkeli parimin e sovranitetit të popullit. Presidenti u zgjati mandatin tej kushtetues.
Ai tenton ta justifikojë aktin e tij duke thënë se synon të shmangë përplasjen civile. Cilën përplasje civile? Atë që e ideon në shpi dhe parti? Atë që e ideon me mikun e tij Sali Berishën dhe Lulzim Bashën.
“Krisi pushka e gjëmoi moti
Kujton austriaku se u bë qiameti,
Nuk është kiamet po është murtanë,
Vjen Kavaja me gjithë Tiranë
Gajret çuna dhe ju faltë Zoti,
se Princ Vidin se zë moti.
Se Princ Vidin se zë moti,
kemi lejnun o prej baroti
Mal mbi mal këndon bilbili
Trim mbi trima Haxhi Qamili
Haxhi baba me vegjëli, qiti vidin me 12 mijë”.
Kjo lëvizje e cila ngjan kryekëput me këtë, sigurisht që nuk mund të përsëritet.
