Video/ Shkoza dhe Unaza e Re përplasen me forcat e Edi Ramës
Përplasja e banorëve të Shkozës me punonjësit e Inspektoriatit Kombëtar të Mbrojtjes së Territorit, IKMT, që kanë shkuar me fadroma për t’u shembur shtëpitë sa shkon dhe shtohet.
Banorët e irrituar nuk kërkojnë asgjë më shumë nga forcat e Edi Ramës se sa një vendim qoftë ai edhe nga IKMT, për shembjen e shtëpive të tyre.
“Ku t’i çoj sot unë dy pleq nga 80 vjeç? Nuk dalin ata nga shtëpia. Po na jepni letrën zyrtare, mbi cilin ligj e mbështet shembjen dhe unë dal vetë e ta shemb edhe shtëpinë madje, me kazmë.,” tha njëri prej banorëve të Shkozës
Duke kërkuar që tu jepet një dokument për shembjen e shtëpive me të cilë mund të paraqiten në gjykatë, banorët i kanë zënë rrugën fadromave dhe duke përsëritur që në momentin kur t’kju jepet ky dokument ata do ta shembin vetë shtëpinë me kazëm, pa pasur nevojë për fadromë.
Ndërkohë që banorët e Shkozës po përplasen me fadromat e IKMT-së, që u kanë ardhur në derë t’u shembin shtëpitë për shkak të Unazës së Re, banorët e Astirit po përplasen me punonjësit e ARRSH-së. ata nuk kanë pranuar të kryhen matjet e banesave derisa arrsh-ja t’u paraqesë dokumentin zyrtar për shembjen me argumentat ligjorë.
